बॉलीवूडचा हॅंडसम हंक रणबीर कपूरनं(Ranbir Kapoor) अखेर बॉलीवूडची सगळ्यात क्यूट अभिनेत्री आलिया भट्ट(Alia Bhatt) हिच्याशी लग्नगाठ बांधली आहे. १४ एप्रिललला हा सेलिब्रिटी लग्नसोहळा रणबीरच्या मुंबईतील 'वास्तू' इमारतीतील घरी आप्तेष्ट-मित्रपरिवाराच्या उपस्थितीत पार पडला. या लग्नालाही बॉलीवूडच्या काही खास सेलिब्रिटींनी हजेरी लावली होती. लग्नात करिश्मा कपूर,अयान मुखर्जी,करण जोहर,करिना कपूर यांनी धमाल केलेली आपण फोटो-व्हिडीओच्या माध्यमातून पाहिली असेलच. लग्नाचं रीसेप्शनही रणबीरच्या घरीच काही खास गेस्टसाठी आयोजित केलं होतं. या पार्टीचीही चांगलीच चर्चा बी-टाऊन मध्ये रंगलेली दिसून आली. पार्टीतील मिस्टर अॅन्ड मिसेस कपूर च्या लूकला देखील चाहत्यांनी चांगलंच पसंत केलं आहे. आता रणबीर-आलियाला लग्नात आलेल्या गिफ्ट्सचीही चर्चा होताना दिसून येत आहे.

सगळ्यांनीच रणबीर-आलियाला लग्नाचं खास गिफ्ट दिलं आहे. पण यात सगळ्यात चर्चेत असेल तर ते आहे दीपिकाचं गिफ्ट. जे स्पेशल तर आहेच पण खूप किमती असल्याचं देखील बोललं जात आहे. चला जाणून घेऊया दीपिकानं नेमकं असं कोणतं गिफ्ट दिलं आहे त्याविषयी. बॉलीवूड लाइफच्या रीपोर्टनुसार रणबीर कपूरला काही वर्ष डेट केलेल्या दीपिका पदूकोण ने त्याला सर्वात महागडं गिफ्ट दिलं आहे म्हणे. बोललं जात आहे की दीपिकानं रणबीरला जवळ-जवळ १५ लाखाचं घड्याळ गिफ्ट म्हणून दिलं आहे. तर तिच्या नवऱ्यानं म्हणजे अभिनेता रणवीर सिंगनं एक बाइक रणबीरला गिफ्ट म्हणून दिली आहे. तर कतरीना कैफनं रणबीरला १४.५ लाखाचं एक सुंदर प्लॅटिनमचं ब्रेसलेट दिलं आहे.

लग्नात रणबीर-आलियाला दिलेल्या गिफ्टविषयीच बोलायचं झालं तर रणबीरची बहिण अभिनेत्री करिना कपूरनं आलियाला ३.१ लाख रुपयाचा डायमंड सेट दिला आहे. तर रणबीरसोबत अनेक सिनेमातनं काम केलेल्या अनुष्का शर्मानं आलियाला मनिष मल्होत्रानं डिझाईन केलेला एक सुंदर ड्रेस दिला आहे. या ड्रेसची किंमत आहे १.६ लाख रुपये. रणबीर-आलियाला गिफ्ट देणाऱ्यांची लिस्ट भलीमोठी आहे. या लिस्टमध्ये सिद्धार्थ मल्होत्रा,वरुण धवन,प्रियंका चोप्रा अशा अनेकांचा समावेश आहे.