Honey Singh Breakup: गायक हनी सिंगची सध्या सलमान खानच्या 'किसी का भाई किसी जान' सिनेमातील 'छोटू मोटू..' या नव्या गाण्यामुळे सगळीकडेच चर्चा रंगली आहे. मोठ्या कालावधीनंतर हनी सिंग दणक्यात बॉलीवूडमध्ये पदार्पण करत आहे. गेल्या काही काळापासून हनी सिंगच्या आयुष्यात मोठी उलथा-पालथ सुरू आहे.

हनी सिंग आपली पत्नी शालिनी तलवारपासून विभक्त होत टीना थडानीला डेट करत होता, पण आता बातमी आहे की टीनासोबत देखील त्याचं ब्रेकअप झालं आहे. बातमी खरी आहे हे सिद्ध होतंय कारण दोघांनी सोशल मीडियावरनं आपले एकमेकांसोबतचे फोटो डिलिट केले आहेत.(Honey Singh Breakup with girlfriend tina thadani, honey busy in salmans movie promotion)

हनी गेल्या काही दिवसांपासून टीनासोबतच्या त्याच्या अफेअरमुळे चर्चेत होता. पण दोघांचं असं अचानक वेगळं होणं चाहत्यांना मात्र हैराण करून गेलं आहे. गेल्या वर्षी एप्रिल २०२२ दरम्यान हनी आणि टीना मधील जवळीकता वाढताना दिसली होती. दोघं कामाच्या निमित्तानं एकमेकांच्या जवळ आले. आणि तेव्हापासूनच हनी सिंग आणि टीना यांच्या डेटिंगच्या बातम्या आल्या. स्वतः हनीनं टीनासोबतचे फोटो आणि व्हिडीओ शेअर केले होते.

बातमी आहे की हनी सिंग आणि टीना या दोघांनाही आपल्या करिअरवर लक्ष केंद्रित करायचे आहे,त्यामुळे त्यांनी आपल्या वाटा वेगळ्या केल्या आहेत. अर्थात याप्रकरणा संबंधी अद्याप हनी सिंग किंवा टीना या दोघांपैकी कुणीच अधिकृत वक्तव्य केलेलं नाही. काही दिवसांपूर्वी दोघांमध्ये काहीतरी बिनसल्याच्या बातम्या मात्र समोर आल्या होत्या.

याआधी एका मुलाखतीत हनी सिंगनं आपल्या ब्रेकअपविषयी इशाऱ्यामधनं सूचित केलं होतं. हनी सिंग म्हणाला होता की, त्याला आपल्या मागील अल्बममध्ये खूप गोष्टी बदलाव्या लागल्या होत्या कारण तो प्रेमात होता पण आता नाही. आता हनी सिंगच्या या अशा वक्तव्याला समोर ठेवून सगळेच याचा संबंध त्याच्या ब्रेकअपशी जोडत आहेत.