बाॅलीवूड क्वीन कंगना रणौत बाॅलीवूड इंडस्ट्री आणि अनेक अभिनेत्यांवर नेहमी निशाणा साधत आली आहे. कंगना सोशल मीडियावर खूप सक्रिय असते. त्यावर ती आपली म्हणणे आणि मते शेअर करित असते. तसे मागील काही काळापासून कंगना अनेक बाॅलीवूड तारेतारकांवर सकारात्मक कमेंट करत आहे. दरम्यान आता कंगना रणौत (Kangana Ranaut) अभिनेता धर्मेंद्रांविषयी सोशल मीडियावर पोस्ट केली आहे. मात्र चाहते गोंधळून गेले आहेत. अखेर त्यांनी असे का केले आहे? कंगनाने धर्मेंद्र ( Actor Dharmendra) यांच्याविषयी नकारात्मक नव्हे तर सकारात्मक पोस्ट केली आहे. (Kangana Ranaut Share Dharmendra Photo And Praise Actor)

कंगनाने काय लिहिले?

कंगनाने वास्तविक इन्स्टाग्राम स्टोरीवर धर्मेंद्र यांचा जुना फोटो शेअर केला आहे. ती लिहिते, की धर्मेंद्रजी यांच्या सौंदर्यावर एक कौतुकपर पोस्ट. धर्मेंद्र काही काळापासून मोठ्या पडद्यावर दिसत नाहीत. शेवटी ते २०२० साली प्रदर्शित शिमला मिर्च चित्रपटात दिसले होते. यात त्यांच्या पत्नी हेमामालिनीही होत्या.

धर्मेंद्र यांची आगामी चित्रपटे

आता धर्मेंद्र तुम्हाला दोन चित्रपटांमध्ये दिसतील. तसेच यात पुन्हा पूर्ण देओल कुटुंब पाहायला मिळेल. सनी देओल आणि बाॅबी देओलसह धर्मेंद्र पुन्हा एकदा मोठ्या पडद्यावर पाहायला मिळतील. यावेळेस देओल कुटुंबाची तिसरी पिढी चित्रपटात झळकणार आहे. या चित्रपटात सनी देओलचा मुलगा करणही अभिनय करताना दिसेल. हा चित्रपट याच वर्षी प्रदर्शित होऊ शकतो. या व्यतिरिक्त धर्मेंद्र 'राॅकी और रानी की प्रेम कहानी' या चित्रपटात दिसतील. यात रणवीर सिंह, आलिया भट, शबाना आझमी आणि जया बच्चन या मुख्य भूमिकेत आहेत. हा चित्रपट २०२३ मध्ये प्रदर्शित होणार आहे.