सध्या बॉलिवुडमध्ये नवाजुद्दीन सिद्दीकी हा त्याच्या वैयक्तिक आयुष्यामुळे चर्चेत आहे. नवाजचे वैयक्तिक आयुष्य सध्या कठीण टप्प्यातून जात आहे. ऐकीकडे त्याची माजी पत्नी आलिया ही सातत्याने त्याच्यावर गंभीर आरोप करत आहे. त्यानं तिचा मानसिक शारिरीक छळ केला इतकच नाही तर तिने नवाजवर बलात्कारासारखा गंभीर आरोपही केला आहे.

ती जवळपास दररोज सोशल मीडियावर व्हिडिओ शेअर करत आहे आणि त्याला दोष देत आहे. आत्तापर्यंत नवाजने यावर मौन पाळले होते, मात्र अलीकडेच त्याने एक लांबलचक पोस्ट शेअर करून अनेक खुलासे केले आहेत.

त्याने सांगितले की, तो आलिया आणि मुलांना दर महिन्याला सुमारे 10 लाख रुपये पाठवत असे.तसचं आलियाकडून जास्त पैसे उकळण्यासाठी हे सर्व करत आहे. असं त्याने सांगितलं आहे. तो म्हणाला, 'गेल्या 2 वर्षांपासून तिला सरासरी 10 लाख रुपये प्रति महिना आणि माझ्या मुलांसह दुबईला जाण्यापूर्वी 5-7 लाख रुपये दिले गेले आहेत, ज्यात शाळेची फी, वैद्यकीय, प्रवास आणि इतर गोष्टींचा समावेश आहे.

केवळ मला बॅकमेल करण्यासाठी आणि माझं नाव खराब करण्यासाठी हे सर्व ती करत असल्याचं त्यानं सांगतिलं आहे. आता या नवाजला अभिनेत्री कंगना राणौतने पाठिंबा दिला आहे.

नवाजुद्दीन सिद्दीकीची पोस्ट शेअर करत कंगना रणौतने लिहिले की, मौन नेहमीच शांती देत ​​नाही , 'नवाजुद्दीन सिद्दीकी साहेब.. तुमचे चाहते आणि शुभचिंतक आहेत ज्यांना तुमची बाजू जाणुन घ्यायची होती.

वर्क फ्रंटबद्दल बोलायचे झाले तर नवाजुद्दीन सिद्दीकी 'हड्डी' चित्रपटात दिसणार आहे, ज्यामध्ये तो एका ट्रान्सजेंडरच्या भूमिकेत दिसणार आहे. तो सुधीर मिश्रा दिग्दर्शित 'अफवाह' मध्ये देखील दिसणार आहे, ज्यात भूमी पेडणेकर देखील आहे.

कंगनाबद्दल बोलायचे झाले तर तिच्याकडे 'तेजस', 'इमर्जन्सी' आणि 'सीता' सारखे चित्रपट आहेत. ती 'टिकू वेड्स शेरू' बनवत आहे, ज्यात नवाजुद्दीनसोबत अवनीत कौर मुख्य भूमिकेत आहे.