संपूर्ण जगभरात थैमान घातलेल्या कोरोना व्हायरसला अटकाव करण्यासाठी जागतिक आरोग्य संघटनेने (WHO) सर्वच देशांना सतर्कतेचा इशारा दिला आहे. तसेच कोरोनाला साथीचा रोग म्हणून जाहीर करत आपापल्या परीने खबरदारी घेण्याच्या सूचनाही केल्या आहेत.
जगभरात ९ हजारहून अधिक लोक मृत्यूमुखी पडले आहेत. तर भारतात आतापर्यंत ४ जणांचा मृत्यू झाला असून १७३ जणांना कोरोनाची लागण झाल्याची माहिती मिळत आहे. त्यापैकी १५ जण पूर्णत: बरे झाले आहेत.
भारताचे पंतप्रधान नरेंद्र मोदी यांनी गुरुवारी (ता.१९) सर्व देशवासियांशी संवाद साधत कोरोनाला आळा घालण्यासाठी जनता कर्फ्यूची घोषणा केली. आणि येत्या रविवारी (ता.२२) सर्व भारतीयांनी घराबाहेर पडू नये, असे आवाहन केले आहे. पंतप्रधानांनी केलेल्या आवाहनाची दखल घेत आता बॉलिवूड सेलिब्रिटींनीही त्यांच्या फॅन फॉलोअर्स आणि चाहत्यांना आपापल्या परीने आवाहन केले आहे.
बॉलिवूडच्या तरुण फळीतील कलाकार अभिनेता कार्तिक आर्यनने पंतप्रधानांच्या या आवाहनाचे कौतुक करत त्यांना पाठिंबा दर्शविला आहे. या संबंधीचा एक व्हिडिओ त्याने आपल्या सोशल मीडिया अकाउंटवरून शेअर केला असून यावर नेटकऱ्यांनी उड्या घेतल्या आहेत. कार्तिक आर्यन हा एकपात्री कलाकार म्हणून प्रसिद्ध आहेच. आताही त्याने पंतप्रधान मोदींच्या आवाहनावर एक एकपात्री सादर केली असून तो कोरोनाला घालवण्यासाठी सर्व भारतीयांना आवाहन करत आहे.
#CoronaStopKaroNa या आजारावर कोणताही इलाज उपलब्ध नाही. मात्र, त्याचा संसर्ग होण्यापासून सावधगिरी बाळगू शकतो. त्यासाठी सर्वांनी सुरक्षिततेचे उपाय अवलंबणे गरजेचे आहे. असे कॅप्शन या व्हिडिओला दिले आहे. काही वेळातच हा व्हिडिओ सर्वत्र व्हायरल झाला असून याची तुफान चर्चाही होत आहे.
कार्तिकच्या उजव्या हाताला फ्रॅक्चर झाले आहे आणि कोरोनामुळे शूटिंगही बंद असल्याने तो घरीच सुट्टी एन्जॉय करत आहे. प्रसिद्ध दिग्दर्शक अनीस बज्मी यांच्या 'भूल भूलैय्या २' मध्ये कार्तिक मुख्य भूमिकेत असणार आहे. 'कबीर सिंग' फेम अभिनेत्री कियारा अडवाणी आणि तब्बू या दोघी वेगवेगळ्या भूमिका साकारत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.