पुणे : महानायक अमिताभ बच्चन यांचा आज 77वा वाढदिवस! जगभरातून त्यांच्यावर शुभेच्छांचा वर्षाव होतोय. अशातच पुणेकर बिंग बींना शुभेच्छा देण्यात कसे मागे राहतील? पुणेकर म्हणलं की हटके गोष्टी आल्या. त्यामुळे पुणे पोलिसांनी अमिताभ बच्चन यांना अगदी त्यांच्यासारख्याच ग्रेट शुभेच्छा दिल्या आहेत. ट्विटरवरून पुणे पोलिसांनी आपल्या शुभेच्छा बिग बींपर्यंत पोहोचवल्या आहेत.
'अँग्री यंग मॅन' अमिताभ यांच्या सर्वाधिक गाजलेल्या भूमिका म्हणजे पोलिसांच्या! खाकी, जंजीर, बंटी और बबली, शहेनशहा, देव अशा अनेक महत्त्वाच्या चित्रपटांमध्ये अमिताभने पोलिसांची भूमिका अगदी उत्तमरित्या वठवली आहे. याचीच दखल घेत पुणे पोलिसांनी बिग बींच्या पोलिस भूमिकेतील फोटोंचे कोलाज करून त्याला हटके कॅप्शन दिलंय. 'परंपरा, प्रतिष्ठा आणि शिस्त' हे इंस्पेक्टर विजय यांचे ड्युटीचे तीन स्तंभ आहे. आमच्या आवडत्या ऑनस्क्रीन पोलिस इंस्पेक्टर विजय यांना ७७ व्या वाढदिवसाच्या हार्दिक शुभेच्छा.' असे कॅप्शन पुणे पोलिसांनी दिलंय. तर महाराष्ट्र पोलिसांनीही अमिताभ यांना आगळ्या-वेगळ्या प्रकारे शुभेच्छा दिल्या आहेत.
'बरसात की एक रात' में, ‘कभी कभी’ अगर कोई ‘द ग्रेट गैम्ब्लर’, शहर की सुरक्षा से ‘ हेरा फेरी’ करने की कोशिश करेगा, तो ‘ख़ाकी’ उसे क़ानून की ‘ज़ंजीर’ में ज़रूर ‘गिरफ़्तार’ करेगी। हम आशा करते हैं की आपकी अप्रतिम अदाकारी का ये ‘सिलसिला’ यूँ ही चलता रहे| #HappyBirthdayBigB असे ट्विट महाराष्ट्र पोलिसांनी केले आहे. यात अमिताभ यांचा सत्ते पे सत्तामधील फोटो पोस्ट केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.