Rashmika Mandanna आजच्या तारखेला टॉलीवूड आणि बॉलीवूड दोन्हीकडे प्रसिद्ध असलेली अभिनेत्री आहे. अल्लू अर्जूनसोबतच्या तिच्या 'पुष्पा' सिनेमानंतर सगळीकडेच तिचं वारं पसरलं आहे. लोक तिच्या सौंदर्याचे दिवाने आहेत. आणि तिला 'नॅशनल क्रश' देखील म्हटलं जातं. ती लाखो चाहत्यांच्या काळजात घर करून आहे असं म्हटलं तर चुकीचं ठरणार नाही. पण सध्या मात्र ती चिकन बर्गर खाल्ल्यामुळे ट्रोल होताना दिसत आहे.(Rashmika Mandanna Troll due to chicken burger advertisement)

काही दिवस आधी रश्मिका एका बर्गर ब्रॅंडच्या जाहिरातीत दिसली होती. ज्यामध्ये तिला चिकन बर्गर खाताना दाखवलं गेलं आहे. काही नेटकऱ्यांचे म्हणणे आहे की आधी रश्मिका म्हणाली होती की ती शाकाहारी आहे,आणि आता चिकन बर्गर खात आहे. बरं इतकंच नाही तर त्याला प्रमोट करत आहे.

रश्मिका मंदानानं आपला हा व्हिडीओ इन्स्टाग्रामवर शेअर केला होता, ज्यावर एका नेटकऱ्यानं कमेंट केली की,'डबल ढोलकी...आधी म्हणाली शाकाहारी आहे मी आणि आता चिकन बर्गर खातेय..त्याचं प्रमोशही करतेय'.

आणखी एका नेटकऱ्यानं म्हटलं आहे की,तिला पैसा मिळाला नव्हता तोपर्यंत शाकाहरी होती,आता लगेच मांसाहारी झाली. रश्मिकाच्या चिकन बर्गर खाण्यावरनं लोकांनी वेगवेगळ्या प्रतिक्रिया नोंदवल्या आहेत.

आजच्या काळात रश्मिका मंदाना चर्चेत आहे. तिच्या वर्कफ्रंट विषयी बोलायचं झालं तर जानेवारीत विजयसोबत 'वारिसु' सिनेमात दिसणार आहे. याव्यतिरिक्त सिद्धार्थ मल्होत्रा सोबत ती 'मिशन मजनू' मध्ये दिसली होती. रणबीर कपूरसोबत 'अॅनिमल' सिनेमातही ती दिसणार आहे. हा एक बिग बजेट सिनेमा आहे. याव्यतिरिक्त रश्मिका अल्लू अर्जूनच्या 'पुष्पा २' मध्ये देखील दिसणार आहे.