माजलगाव (बीड) : भरधाव मारुती कार आणि दुचाकीची समोरासमोर धडक होऊन झालेल्या अपघातात दोन तरुणांचा जागीच मृत्यू झाला. ही घटना शनिवारी (ता.१५) रात्री साडेनऊ वाजण्याच्या सुमारास राष्ट्रीय महामार्गावरील टाकरवन फाट्याजवळ घडली.
संतोष राऊत, गणेश देवकर (रा. वाहेगाव आम्ला, ता. गेवराई, जिल्हा बीड) अशी अपघातात ठार झालेल्या तरुणांची नावे आहेत.
याबाबत अधिक माहिती अशी, की मारुती कार (क्रमांक एम.एच.२६-बी.सी.-३३३९) ही राष्ट्रीय महामार्ग २२२ वरून गढीहुन माजलगावच्या दिशेने भरधाव येत होती. याच वेळी दुचाकी (क्रमांक एम.एच.२३-एल.२९६१) वरून संतोष राऊत, गणेश देवकर हे दोन तरुण माजलगावाहून गेवराईकडे भरधाव वेगाने जात होते.
माजलगाव शहरापासून 23 किलोमीटर अनंतराव तालखेड ते टाकरवन फाटा दरम्यान कार, दुचाकींचा समोरासमोर अपघात झाला. यात दुचाकीवरील दोन्ही तरुणांचा जगीच मृत्यू झाल्याची घटना घडली. हा अपघात एवढा भीषण होता की दुचाकींचा अक्षरशः चुराडा झाला. या अपघातात कारमधील नागरिकही जखमी झाल्याचे समजते.
अपघातानंतर मयत तरुणांना महामार्ग रुग्णवाहिकेतून माजलगाव ग्रामीण रुग्णालयात आणले. दोन्ही मयत तरुणांचे शवविच्छेदन सकाळी करण्यात येणार असून घटनेची माहिती मिळताच मयताच्या नातेवाईकांनी रुग्णालयात गर्दी झाली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.