जरंडी : अजिंठा डोंगर रांगांत सुरू असलेल्या संततधार पावसामुळे सोयगाव वनक्षेत्रातील चिंचखोरी शिवारातील डोंगररांगांच्या कपारीजवळ दरड कोसळल्याने वन्यप्राणी भयभीत झाल्याची घटना शनिवारी (ता. १९) सायंकाळी उशिरा घडली. या घटनेमुळे भरपावसात वनविभागाच्या कर्मचाऱ्यांनी घटनेची पाहणी केली.
सोयगाव वनक्षेत्राला लागून असलेल्या अजिंठा डोंगररांगांना शनिवारी(ता. १९) पहाटेपासूनच जोरदार तडाखा दिला. शहरापेक्षा अजिंठा डोंगर रांगांत पावसाचा जोर कायम होता. संततधार पावसात डोंगराच्या निंबायती ता. सोयगाव भागात आणि सोयगाव शिवारातील चिंचखोरी शिवारात दोनवेळा दरडी कोसळल्या, दरम्यान निंबायती शिवारातील दरडीचा हादरा जोरदार बसल्याने हिंसक वन्यप्राणी भयभीत झाले होते.
दरडीच्या भीतीने मोरांचे कळप, हरणांचे कळपे भीतीने भेदरलेल्या अवस्थेत निंबायती, जरंडी शेती शिवारात पलायन केले होते. त्यामुळे सायंकाळी अचानक वाढलेल्या प्राण्यांची संख्या शेतकऱ्यांना विचार करणारी ठरली होती. दरम्यान घटनेची माहिती मिळताच वनविभागाच्या कर्मचाऱ्यांनी घटनेची पाहणी केली आहे. कोसळलेल्या दरडी किरकोळ स्वरूपाच्या असल्याचे वनविभागाच्या सूत्रांनी सांगितले. रात्री उशिरापर्यंत डोंगर रांगांत संततधार पावसाने धुमाकूळ घातला होता.
'ई सकाळ'वरील इतर महत्त्वाच्या बातम्या :
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.