औरंगाबाद : कोरोना महामारीमुळे सुरु झालेला लॉकडाऊन तब्बल ७५ दिवस चालला. याकाळात दुचाकीचा वापर थांबल्याने दुरुस्तीची कामे निघाली आहेत. यासाठी शंभर रुपयांपासून ते साडेचार हजार रुपयांपर्यंत खर्च येत आहे. यातही समाधानाची बाब म्हणजे, बहुतांश कामे सरासरी आठशे ते एक हजार रुपयातच तमाम होत आहेत. 

औरंगाबादेत दोन कोरोनाबाधित कैदी पळाले, कोविड सेंटरमधून केला पोबारा  

लॉकडाऊन काळात अत्यावश्यक सेवा वगळता सर्वच प्रकारची वाहतूक बंद होती. दरम्यान, अनेकांच्या दुचाकी घरी पार्कींग मध्ये उभ्या होत्या. त्यामुळे स्पार्क प्लग तसेच क्लच, ब्रेक, अॉक्सीलेटर केबल कठीण झाल्या आहेत. इतक्या दिवस पेट्रोल टाकीतच असल्याने तेही खराब झाल्याचे प्रकार दुरुस्तीवेळी पहायला मिळत आहेत. काही दुचाकींचे इंजिन काम निघाले असुन पिस्टन खराब झाले आहेत. बॅटरीचेही चार्जिंग उतरले आहे. असे दुचाकी दुरुस्ती करणाऱ्या दुकानदारांनी सांगितले. 

रिकामे हात अन् हवालदिल मन...मजुरांची अशीही व्यथा   

अनेक गॅरेजची कामे लोकलच्या मेकॅनिकद्वारे सुरु आहेत. बाहेरगावचे मेकॅनिक अजून बोलवण्यात आले नाहीत. दुरुस्तीलाही दोन ते पाच तास लागत आहेत. ग्राहकांचे फोन आल्यास त्यांना वेळ देण्यात येतो. यामुळे शोरुमवाल्यांसारखी छोट्या गॅरेजवाल्यांची अवस्था झाली आहे. याचवेळी कुणी किरकोळ काम घेऊन आल्यास त्यांनाही प्राधान्य द्यावे लागत आहे. 

औरंगाबादचा वाढतोय कोरोना मीटर, आज ७२ रुग्ण सापडले, ७८० बाधितांवर उपचारही आहेत सुरू   

काम : अंदाजित खर्च 

• प्लग, ब्रेक : २५० ते ३०० 
• क्लच, ब्रेक, अॉक्सीलेटर केबल : ३०० ते ३५० 
• पेट्रोलची टाकी स्वच्छ करणे : १०० ते १५० 
• बॅटरी (चार्जिंग किंवा बदलणे) : ५० ते ११०० 
• इंजिन (पिस्टन, हेड, गॅसकीट, फिटींग) : २००० ते २५०० 

लॉकडाऊन काळात डॉक्टर, नर्स यांचे कॉल आले. त्यांना घरी जात सेवा दिली. तसेच अत्यावश्‍यक सेवेतील गरजुंचेही सुमारे दीडशेपेक्षा अधिक कॉल आले. कामगारांसाठी सॅनिटायझर, मास्कची व्यवस्था केली आहे. स्पार्क प्लगची कामे लोक घरच्या घरी करु शकतात. तरीही ग्राहकांनी इतर बाबी तपासुन पाहिल्या पाहिजेत. 
 ज्ञानेश्‍वर तांबे (तांबे ऑटो, बजरंग चौक, औरंगाबाद)