सिल्लोड (औरंगाबाद) : भरधाव एसटी बसने दुचाकीला धडक दिल्याने दोघे जण जागीच ठार झाले, तर एक जण गंभीर जखमी झाला. औरंगाबाद- जळगाव महामार्गावरील डोंगरगाव फाट्यालगतच्या हरिओम जिनिंगजवळ शुक्रवार (ता.१३) दुपारी एकच्या सुमारास ही दुर्घटना घडली. मृतात एकाच घरातील दोन चुलत भावांचा समावेश आहे.
अक्षय सुरेश पायघन (वय.२१), कृष्णा अशोक पायघन (वय.१७) व किरण संतोष बोडखे (वय.१९) हे दिवाळीनिमित्त खरेदीसाठी रहिमाबादहून (ता.सिल्लोड) सिल्लोडकडे निघाले होते. त्यावेळी पुढे जाण्याच्या प्रयत्नात सिल्लोडहून जळगावकडे भरधाव जाणाऱ्या एसटी बसने समोरून येणाऱ्या दुचाकीला धडक दिली. या धडकेत दुचाकीचा चुराडा झाला. अक्षय पायघन व कृष्णा पायघन हे चुलतभाऊ चिरडले गेल्याने जागीच ठार झाले. किरण बोडखे गंभीर जखमी झाला. त्याच्यावर येथील उपजिल्हा रूग्णालयात प्राथमिक उपचार करून औरंगाबादेतील रुग्णालयात पाठविण्यात आले. सिल्लोड ग्रामीण पोलिसांनी घटनास्तळी पाहणी केली. उपजिल्हा रूग्णालयात उत्तरीय तपासणीनंतर दोघांचे करून मृतदेह नातेवाईकांच्या ताब्यात देण्यात आले. उपनिरिक्षक पी. पी. इंगळे तपास करीत आहे.
राखीव पोलिस दलात निवड, पण...
दिवाळीच्या काळातच पायघन कुटूंबातील दोघा तरूणांचा अपघातात मृत्यू झाल्यामुळे गावात हळहळ व्यक्त होत आहे. अक्षय पायघनची केंद्रिय राखीव पोलिस दलात नुकतीच निवड झाली होती. परंतू काळाने त्याच्यावर झडप घातली.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.