औरंगाबाद : कारागृहातून बाहेर पडताच पुन्हा गांजाची विक्री करणाऱ्या गुन्हेगारांना पकडून गुन्हे शाखा पोलिसांनी दहा किलो ४८० ग्रॅम गांजा जप्त केला. ही कारवाई रोपळेकर चौकात बुधवारी मध्यरात्री करण्यात आली. जावेद खान अयूब खान (३५, रा. नूतन कॉलनी, ए. बी. सी. लॉन्ड्रीजवळ) आणि युसूफ खान उमर खान (४४, रा. समतानगर) अशी गांजा विक्रेत्यांची नावे आहेत. त्यांच्याकडून चारचाकी वाहनदेखील जप्त करण्यात आले.
जालन्याहून बीड-बायपासमार्गे रोपळेकर चौकात चारचाकी (एमएच-१५-बीडी-१८६४) वाहनातून गांजाची तस्करी केली जात असल्याची माहिती गुन्हे शाखेचे सहायक पोलिस निरीक्षक अजबसिंग जारवाल यांना मिळाली होती. त्यावरून जारवाल यांनी पथकातील जमादार शिवाजी झिने, भाऊराव चव्हाण, गावडे, पोलिस नाईक राजेंद्र साळुंके, भोसले, गायकवाड, राऊत व चालक शिनगारे यांनी छापा मारून जावेद खान आणि युसूफ खान यांना पकडले.
त्यांच्या चारचाकी वाहनातून एका पांढऱ्या रंगाच्या गोणीत असलेला दहा किलो ४८० ग्रॅम गांजा, दोन मोबाईल आणि वाहन असा ऐवज जप्त केला. याप्रकरणी उस्मानपुरा पोलिसात गुन्हा दाखल करण्यात आला. काही दिवसांपूर्वी जावेद खान याला गांजाची तस्करी करताना अटक करण्यात आली होती. आता नुकतीच त्याची जामिनावर मुक्तता करण्यात आली होती. त्यानंतर पुन्हा त्याला गांजाची तस्करी करताना पकडण्यात आले.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.