औरंगाबाद : सख्या बहीण-भावाची मंगळवारी (ता.नऊ) सायंकाळी हत्या झाल्याची घटना समोर आल्यानंतर तपासाला वेग आलेला आहे. पोलिसांनी दोन कुख्यात गुन्हेगारांसह अन्य दोघांना ताब्यात घेत चौकशी सुरू केली असून, खून करणारा ओळखीचाच असण्याची शक्यता असल्याचे सूत्रांनी सांगितले.
घटनास्थळावरून चहाचे चार कप सापडल्याने हत्येचे गूढ आणखीनच वाढले असून, आरोपींच्या शोधासाठी चार पथके स्थापन केली आहेत. या कामी २१ ठिकाणचे सीसीटीव्ही फुटेज तपासण्यात आले आहेत. एमआयटीसमोरील अल्फाईन हॉस्पिटलच्या मागे एका दोन मजली बंगल्यात लालचंद खंदाडे (राजपूत) हे पत्नी आणि दोन मुली व एका मुलासोबत राहतात. त्यांची जालन्याजवळ पाचनवडगाव येथे शेती आहे. मंगळवारी (ता.नऊ) पहाटे ते पत्नी आणि मोठ्या मुलीला घेऊन शेतावर गेले होते. तर किरण खंदाडे (वय १८) व सौरभ खंदाडे (वय १६) हे दोघेच घरी थांबले होते.
रात्री आठच्या सुमारास लालचंद हे पत्नी व मुलीसह घरी परतले. त्यावेळी बाथरूमजवळ बहीण-भावांचे मृतदेह रक्ताच्या थारोळ्यात आढळून आले. या घटनेची माहिती मिळताच पोलिस अधिकाऱ्यांनी धाव घेत मृतदेह शवविच्छेदनासाठी घाटी रुग्णालयात पाठवले. रात्री उशिरापर्यंत पोलिस अधिकारी तळ ठोकत चौकशी करत होते. मात्र, अद्याप हत्येचा छडा लागलेला नाही.
बुधवारी गुन्हे शाखेच्या पथकाने दोन कुख्यात गुन्हेगारांसह अन्य दोघे अशा चार जणांना ताब्यात घेतले. चौघांमध्ये एकजण हा खंदाडे यांचा नातेवाईक असून, तिघे हे त्यांच्या मुलाचे मित्र आहेत. रविवारी (ता. सात) त्यांच्या घरात मुलाचा वाढदिवस साजरा करण्यासाठी नातेवाईक आणि काही मित्र आले होते. त्यांना घरातील सर्व माहिती होती. शिवाय तांत्रिक तपासात त्यांचा संबंध आल्याने या चौघांना चौकशीसाठी ताब्यात घेतल्याचे सूत्रांनी सांगितले आहे. या प्रकरणाचा शोध लावण्यासाठी गुन्हे शाखेचे तीन व सातारा पोलिसांचे एक असे चार पथक आरोपीच्या शोधासाठी कामाला लागले आहेत.
दुभत्या गायी आणायच्या कशा ?
ओळखीचा असेल तरच दरवाजा उघडायचे
आई - वडील कामानिमित्ताने बाहेर जात असल्याने ओळखीचा कुणी असेल तरच दरवाजा उघडायचा अन्यथा नाही, अशा सूचना मुलांना देण्यात आलेल्या होत्या. मुले त्याचे पालन करीत असत. त्यामुळे ही हत्या कुणीतरी ओळखीच्याच व्यक्तीनेच केलेली असावी, असे जबाब देताना पोलिसांना सांगण्यात आलेले आहे. त्यामुळे तपासही त्याच दिशेने सुरू असल्याचे सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.