चितेगाव (औरंगाबाद) : पैठणखेडा (ता. पैठण) येथील दोन तरुण नदीच्या प्रवाहात वाहून गेले. ही घटना बुधवारी (ता.२९) पाच ते साडेपाच वाजेच्या सुमारास घडली आहे. वाहून गेलेल्या दोघांपैकी एकाचा आज ता.३० रोजी दुपारी शोध लागला आहे. तर दुसर्याचा शोध सुरु आहे.
प्यार वाली लव्ह स्टोरी : उस्मानाबादचा 'पठ्ठया' प्रियसीसाठी चक्क पाकिस्तान बॉर्डरवर..!
एक महिन्याच्या विश्रांती नंतर परिसरात बुधवारी (ता. २९) दुपारी दोन वाजेच्या सुमारास सुरु झालेल्या जोरदार पाऊस मुळे परिसरातील नदीनाल्याला पुर आला. या पुरात पैठणखेडा येथील पुजांराम कैलास नवले (वय २३), अशोक परसराम हुले (वय २४) हे दोन तरुण नदीच्या प्रवाहात वाहून गेले.
घटनास्थळी मिळालेल्या माहितीनुसार पैठणखेडा येथील गावाजवळ दोन नदीचा संगम आहे. या दोन नदीच्या संगमावर नळकांडी पुल बांधलेला आहे. या पुलाच्या नळ्यात मोठ्याप्रमाणात कचरा आडकल्यामुळे काही पाणी पुलाच्या वरुन वाहात होते. पुलाच्या पलीकडे अशोक हुले यांच्या दोन बहिणी शेतातुन उभ्या होत्या.
त्या घेण्यासाठी अशोक नदीच्या पलीकडे जाण्यासाठी निघाला. पुलाच्या मध्यंतरी गेला असता पाय घसरून खाली पडला. त्यास वाचवण्यासाठी पुजाराम नवले गेला, तो ही वाहून गेला. ही दोन्ही मुले आईवडीलांना एकुलती एक होती. पुजाराम नवले यांचे दोन महिण्यापुर्वीच लग्न झाले होते.
सदरील घटनेची माहिती बिडकीन पोलीसांना पोलीस पाटील जयश्री भुजंग यांनी दिली. पोलीस उपनिरीक्षक सुधाकर चव्हाण, दिलीप सांळवे सह कर्मचारी घटनास्थळी दाखल झाले. राञी उशीरा पर्यंत शोधकार्य सुरु होते.
पुंजारामचा देह मिळाला
रात्री पासून सुरु झालेल्या शोधकार्याला अखेर आज ता.३० यश मिळाले. दोघांपैकी पुजांराम नवले या तरुणाचा शोध लागला. त्याचा मृतदेह उत्तरीय तपासणीसाठी बीडकीन आरोग्य केंद्रांत नेण्यात आला. तर दुसर्या युवकाचा शोध सुरु होता.
सकाळी आठ वाजल्यापासून शोध कार्य सुरु आहे. सकाळी साडेसात वाजता गावातील तरुणांनी शोध घेवून पुजाराम कैलास नवले यांचा मृत्तदेह बाहेर काढला. महानगरपालिकेच्या अग्नीशमन दलाचे जवान दुस-या तरुणाचा शोध घेत आहे. या नदावरील बंधारा बाजूने फोडून बंधा-यातील पाणी काढण्याचे काम सुरु आहे घटनास्थळी तहसीलदार चंद्रकांत शेळके, मंडळ आधिकारी संभाजी थोटे उपस्थित आहेत. अद्यापही एका तरुणांचा शोध लागला नाही.
Edited By Pratap Awachar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.