औरंगाबाद : कोरोनाशी लढा देण्यासाठी असोसिएशन ऑफ कॉलेज ॲण्ड युनिव्हर्सिटी सुपर ॲन्युएटेड टीचर्स (ॲक्युसॅट) तर्फे मुख्यमंत्री सहायता निधीस १४ लाख रूपये देण्यात आले आहेत. मदतीचा धनादेश संघटनेच्या शिष्टमंडळाने विभागीय आयुक्तांकडे सोपविला आहे.
सेवानिवृत्त प्राध्यापकांच्या न्यायालयीन लढ्यासाठी अग्रेसर असलेली ॲक्युसॅट संघटना देशातील कानाकोपऱ्यात आलेल्या आपत्तीत हातभार लावण्यासही पुढे असते. यात २०१५ मध्ये दुष्काळ पडला तेव्हा, नाम फाऊंडेशनला एक लाख रूपये, २०१७ मध्ये केरळामधील पुरग्रस्तासाठी १ लाख रुपये, २०१९ च्या कोल्हापूर - सांगली जिल्ह्यातील अतिवृष्टीतनंतरही पुरग्रस्तांसाठी २ लाख रूपये आर्थिक मदत राज्य शासनास केली होती.
कोरोनामुळे राज्यात मोठी आरोग्य समस्या निर्माण झाली आहे. त्यामुळे शासनास मदत केली पाहिजे, अशी भूमिका संघटनेच्या सदस्यांनी मांडली. यानुसार संघटनेचे अध्यक्ष डॉ. एम. ए. वाहुळ, सचिव डॉ. जे. एम. मंत्री, उपाध्यक्ष डॉ. पी. वाय. मद्वन्ना, कोषाध्यक्ष प्रा. एस. बी. नाफडे, सहसचिव डॉ. एम. एन. जाचक, डॉ. मानसिंग जगताप, डॉ. व्ही. टी. घारपुरे, डॉ. आर. जी. बीडकर, प्रा. बी. बी. देशपांडे, प्रा. ए. बी. पाटील, डॉ. संभाजी पाटील आदींनी राज्यभरातील संघटनेच्या सदस्याकडुन निधी संकलन केले.
राज्यभरातून जमा झालेल्या १४ लाख रूपयांच्या निधीचा धनादेश विभागीय आयुक्त सुनिल केंद्रेकर यांच्या हस्ते मुख्यमंत्री निधीला सुपूर्द करण्यात आला. यावेळी संघटनेचे डॉ. वाहुळ, डॉ. मंत्री उपस्थित होते. विभागीय आयुक्तांमार्फत मुख्यमंत्री उद्धव ठाकरे यांना संघटनेच्या कामाची माहिती देणारे निवेदनही देण्यात आले आहे.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.