औरंगाबाद : दिल्लीहून रविवारी (ता. २२) आलेल्या सचखंड एक्स्प्रेसमधील २७५ प्रवाशांपैकी २६७ प्रवाशांची कोरोना टेस्ट करण्यात आली. यात एकजण कोरोना बाधित आढळला. आठ प्रवाशांची आरटीपीसीआर चाचणी करून त्यांचे स्वॅब घेण्यात आले असल्याची माहिती महापालिकेच्या आरोग्य वैद्यकीय अधिकारी डॉ. नीता पाडळकर यांनी दिली.
कोरोना संसर्गाने दिल्ली शहरात पुन्हा डोके वर काढले आहे. त्यामुळे भीतीचे वातावरण आहे. सचखंड एक्स्प्रेस ही रेल्वे दिल्लीहून औरंगाबाद मार्गे नांदेडला जाते. त्यामुळे या रेल्वेतून शहरात येणाऱ्या प्रवाशांवर लक्ष केंद्रित करण्याचे महापालिका प्रशासनाने ठरविले आहे. रोज सरासरी दोनशे ते अडीचशे प्रवासी या रेल्वेतून औरंगाबाद रेल्वे स्थानकावर उतरतात. या सर्व प्रवाशांची अॅंटीजेन व आरटीपीसीआर चाचणी करण्याचा निर्णय घेतला आहे. त्याची अंमलबजावणी रविवार पासून (ता.२२) करण्यात आली.
सचखंड एक्स्प्रेसच्या वेळेत महापालिकेचे डॉ. शुभांगी मुंढे, डॉ. पूजा कनके व त्यांना सहकार्य करण्यासाठी अक्षय शेळके, कुणाल सुरडकर ही दोन पथके नियुक्ती करण्यात आले. या रेल्वेतून २७५ प्रवासी उतरताच त्यांची कोरोना चाचणी करण्यासाठी त्यांना रेल्वेस्टेशनवर थांबविण्यात आले. यातील २६७ जणांची अॅंटीजेन चाचणी केली, असता एकच प्रवासी पॉझिटिव्ह निघाला. आठ प्रवाशांची आरटीपीसीआर चाचणी करण्यात आली असून, त्याचा अहवाल सोमवारी प्राप्त होणार असल्याचे डॉ. पाडळकर यांनी सांगितले.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.