कळंब (उस्मानाबाद) : शहरासह ग्रामीण भागात कोरोना संसर्गाचा प्रादुर्भाव वाढत असून तालुक्यातील भाटशीरपुरा येथील ६० वर्षीय व्यक्तीचा शनिवार (ता.८) सोलापूर येथील रुग्णालयात उपचारादरम्यान मृत्यू झाल्याची नोंद घेण्यात आली आहे. तर १५ नवीन पॉझिटिव्ह रुग्ण आढळून आले आहेत.

मध्यरात्री जिल्हाधिकारी कोवीड वॉर्डात घुसतात तेव्हा... 

आता तालुक्यातील कोरोना बळीचा आकडा तीनवर गेला आहे. शनिवार( ता. ८) १२ जण कोरोनामुक्त झाल्याने त्यांना डिस्चार्ज देण्यात आला. सध्यस्थितीत ८६ जनावर उपचार सुरू असल्याची माहिती डॉ. स्वप्नील शिंदे यांनी दिली. 

वडिलांचा त्याग, आईची तगमग...औरंगाबादच्या नेहाने साकारले युपीएससीत यश

शहरासह ग्रामीण भागात कोरोनाचे धमाके सुरूच असून डॉ बाबासाहेब आंबेडकर मराठवाडा उपकेंद्र उस्मानाबादच्या लॅबकडून शहर व ग्रामीण भागात शनिवारी नवे १५ रुग्ण पॉझिटिव्ह असल्याचे अहवाल प्राप्त झाला. यात शहरातील सोनार गल्लीतील ३, खाटीक गल्लीतील एक, तालुक्यातील रत्नापुर, चोराखळी येथील प्रत्येकी ४, डिकसळ, वडगाव, निपाणी, येरमळातील प्रत्येकी एक रुग्ण आढळून आले.

औरंगाबाद : पाच वेळा हरला, पुन्हा जिद्दीने उभा राहिला..अन् विस्तार अधिकाऱ्याचा पोऱ्या कलेक्टर झाला... 

६० वर्षीय पुरुष रुग्णाचा मृत्यू 

कोरोनामूळे मृत्यू जाणार्यांचे प्रमाण वाढत आहे. शनिवारी तालुक्यातील भाटशीरपुरा येथील ६० वर्षीय व्यक्तीवर सोलापूर येथे औषध उपचार सुरू होते. दरम्यान त्यांचा मृत्यू झाला. मृत्यूचा आकडा तीनवर गेला आहे.
महापालिकेची ही शाळा आहे खासगीच्या तोडीस तोड  

शनिवारी १२ जणाला डिस्चार्ज 
येथील तांदुळवाडी रस्त्यावरील शासकीय औद्योगीक प्रशिक्षण केंद्रातील कोविड सेंटर मध्ये कोरोना बाधितांवर उपचार सुरू असून १२ जणांना नियमानुसार डिस्चार्ज देण्यात आला असून ८६ जणांवर उपचार सुरू आहेत.

संपादन-प्रताप अवचार