उस्मानाबाद : कॉंग्रेस नेते पवन राजेनिंबाळकर, त्यांचा चालक समद काझी यांच्या दुहेरी हत्या प्रकरणाला आता वेगळे वळण मिळाले आहे. सीबीआयच्या विशेष न्यायालयाने या प्रकरणातील आरोपी पारसमल जैन याचा माफीचा साक्षीदार होण्याचा अर्ज मंजूर केला आहे.
चार डिसेंबरला विशेष सीबीआय न्यायालयाकडे माफीचा साक्षीदार करण्याबाबतचा अर्ज दिला होता. त्यावर न्यायालयात दोन्ही बाजूंनी सुनावणी होऊन शनिवारी (ता. 21) पारसमल जैन यास माफीचा साक्षीदार करण्याचा अर्ज मंजूर करण्याचा आदेश दिला आहे. पवन राजेनिंबाळकर हे तीन जून 2006 रोजी मुंबईहून कारने येत असताना कळंबोली येथे गोळ्या झाडून त्यांची हत्या करण्यात आली होती. या घटनेत त्यांचे वाहनचालक समद काझी हेदेखील या हल्ल्यात ठार झाले होते.
पारसमल जैन माफीचा साक्षीदार
पारसमल जैन याचा माफीचा साक्षीदार होण्याबाबतचा अर्ज सत्य घटना सांगण्याच्या अटीवर न्यायालयाने मंजूर केला आहे. मागील तेरा वर्षांपासून न्यायालयात सुरू असलेल्या दुहेरी खूनखटल्याला आता निर्णायक वळण मिळाले आहे. हत्येचा रचलेला कट, तसेच प्रत्यक्ष हत्येच्या वेळी सहभागी असणारे शूटर, त्यांनी वापरलेली शस्त्रे, आरोपींनी वापरलेले वाहन, हत्येमागचा हेतू आदी घटनाक्रम पुन्हा एकदा न्यायालयासमोर येण्याची शक्यता आहे.
उघडून तर बघा - पंकजा मुंडे करणार औरंगाबादला उपोषण, पण कधी?
या प्रकरणात एकूण नऊजणांविरुद्ध आरोप ठेवण्यात आले आहेत. यात पारसमल जैन, दिनेश तिवारी व पिंटू सिंग हे अद्यापही कारागृहात असून इतर सहाजण जामिनावर सुटले आहेत. पवन राजेनिंबाळकर यांच्या पत्नी आनंदीदेवी यांनी हा खटला सीबीआयकडे देण्याची मागणी केली होती. सीबीआयने केलेल्या तपासानंतर या खटल्यात न्यायालयाने आतापर्यंत 127 जणांची साक्ष घेतली आहे. माफीचा साक्षीदार म्हणून आता जैन हा 128 वा साक्षीदार ठरणार आहे.
मृत्यूदंड - कसा तयार होतो फाशीचा दोर? काय म्हणतात त्याला...
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.