उदगीर (लातूर) : उदगीर शहर व परिसरात दिवसेंदिवस कोरोना बाधित रुग्णांची संख्या वाढत आहे. बुधवारी (ता.१९) एकवीस जणांना कोरोनाची बाधा झाल्याचा अहवाल आला आहे. एका कोरोना बाधित तर तीन सारी सदृस्य आजाराने अशा एकूण चार जणांचा मृत्यू झाला आहे.
बुधवारी रात्री उशिरा आलेल्या अहवालात नाईक नगर १, तिरुपती सोसायटी ३, दत्ता नगर १, एस टी कॉलनी १, गांधी नगर २, दुर्गा आर्केड ८, पारकट्टी गल्ली १, सनमित्र कॉलनी १, हंडरगुळी १, शनि मंदिर १ अशा एकूण एकवीस रुग्णांचा अहवाल पॉझिटिव्ह आला आहे.
शहर व परिसरात दिवसेंदिवस संसर्गाची परिस्थिती वाढत आहे. दररोज नवनवीन कोरोनाची बाधा झालेले रुग्ण समोर येत आहेत. सध्या किट संपल्याने रॅपिड एंटीजन टेस्ट बंद झाल्याचे दिसून येत आहे. त्यामुळे लवकरात लवकर हे किट उपलब्ध करून देण्याची मागणी नागरिकांनी केली आहे.
बुधवार पर्यंत येथील कोरोना रुग्णालयात उदगीर ६७९, जळकोट १७, निलंगा २, अहमदपूर ७, मुंबई ३, चाकूर १५, हैदराबाद १, मुखेड ७, देवणी २२, बिदर ५, पुणे १ शिरूर अनंतपाळ ३ अशा कोरोणाची बाधा झालेल्या एकुण ७६२ रुग्णांची नोंद झाली आहे. पैकी ४४ जणांचा मृत्यू झाला झाला आहे. यापैकी ४१९ रुग्णांना यशस्वी उपचारानंतर बरे झाल्याने घरी पाठवण्यात आले आहे.१३५ रुग्णांना उपचारासाठी रेफर करण्यात आले आहे.
सध्या कोविड रुग्णालयात ३८, लाॅयन्स नेत्र रूग्णालयात ४, जयहिंद वसतिगृह १९ तर तोंडारपाटी येथील कोविड केअर सेंटर येथे २२ अशा एकुण १०७ अॅक्टीव्ह रुग्णांवर उपचार चालू असल्याची माहिती माहिती जिल्हा शल्य चिकित्सक कार्यालयाचे निवासी वैद्यकीय अधिकारी डॉ हरिदास व कोव्हिड रुग्णालयाचे नोडल अधिकारी डॉ. देशपांडे यांनी दिली आहे.
Edited By Pratap Awachar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.