महाड (बातमीदार) : मुंबई, ठाणे, नवी मुंबई परिसरात कोरोनाचा वाढता संसर्ग लक्षात घेता पुन्हा एकादा संपूर्ण लॉकडाऊनची घोषणा करण्यात आली. सुरुवातीला केवळ शहरी भागापुरता मर्यादित असलेला कोरोनाचा प्रादुर्भाव आता ग्रामीण भागातही पसरला आहे. त्यामुळे अनेक तालु्क्यातही लॉकडाऊनचा निर्णय घेण्यात येत आहे.
राज्यात लॉकडाऊन शिथिल केल्यानंतर मुंबई, पुण्यातून मोठ्या संख्येने नागरिक ग्रामीण भागात गेले. त्यामुळे रायगड जिल्ह्यातील ग्रामीण भागात कोरोनाचा संसर्ग मोठ्या प्रमाणात वाढला. त्यातही महाड तालुक्यात कोरोनाचे प्रमाण बरेच वाढले होते. त्यामुळे खबरदारीचा उपाय म्हणून महाड शहर आणि तालुक्यात कोरोनाचा कोरोनाचा वाढता प्रादुर्भाव रोखण्यासाठी सोमवार 6 जुलै ते सोमवार 13 जुलैपर्यंत दुकाने पूर्णपणे बंद ठेवण्याचा निर्णय आज सर्वपक्षीय बैठकीत आज घेण्यात आला.
या बैठकीला आमदार भरत गोगावले, माजी आमदार माणिक जगताप, प्रांताधिकारी विठ्ठल इमानदार , नगराध्यक्षा स्नेहल जगताप, पंचायत समिती सभापती ममता गांगण , तहसीलदार चंद्रसेन पवार, पोलिस निरीक्षक शैलेश सणस, नगर पालिकेचे मुख्याधिकारी जीवन पाटील तसेच व्यापारी संघटनांचे प्रतिनिधी आदी उपस्थित होते.
लॉकडाऊनच्या या काळात औषधांची दुकाने पुर्णवेळ तर दुग्धव्यवसाय सकाळी 7 ते सकाळी 10 वाजेपर्यंत खुली राहतील. गेल्या दोन तीन दिवसांत महाड शहर आणि तालुक्यांतील वाढती कोरोना रुग्णसंख्या लक्षांत घेऊन वाढता प्रादुर्भाव रोखण्यासाठी प्रांताधिकारी विठ्ठल इमानदार यांनी या बैठकीचे आयोजन केले होते.
यावेळी आमदार भरत गोगावले आणि माणिक जगताप यांनी महाड तालुक्यातील व्यापारी दुकानदार आणि नागरीकांनी सहकार्य करण्याचे आवाहन केले. उपस्थित व्यापारी नागरीक यांचे म्हणणे ऐकून घेतल्यानंतर प्रांताधिकारी इमानदार यांनी महाड तालुका आणि शहर आठ दिवस पूर्णपणे बंद ठेवण्याचा निर्णय जाहिर केला
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.