BJP-Maharashtra 
मुंबई

भाजपचे आता 'मिशन मुंबई'; महापालिकेत शिवसेनेला आव्हान देणार?

सकाळ डिजिटल टीम

मुंबई : विधानसभा निवडणुकीत सर्वाधिक जागा जिंकूनही विरोधी पक्षात बसण्याची वेळ भारतीय जनता पक्षावर आली. त्यानंतर भाजपने आगामी निवडणुकांवर लक्ष्य केंद्रीत करत आढावा बैठका घेण्यास सुरवात केली आहे.

शिवसेनेने काँग्रेस-राष्ट्रवादीसोबत सत्ता स्थापन केल्यानं भाजपचा तिळपापड झाला आहे. भाजप शिवसेनेला जमेल तिथं आव्हान देण्याची शक्यता आहे. अनेक वर्षे मुंबई शिवसनेच्या हातात असल्यानं तिथं धक्का देण्याचा भाजपचा इरादा असल्याचं दिसत आहे. 

आज मुंबईत आढावा बैठकीचे आयोजन करण्यात आले होते. भाजप प्रदेशाध्यक्ष चंद्रकांत पाटील यांनी या बैठकीनंतर मुंबईतील वसंत स्मृती येथे पत्रकार परिषद घेत बैठकीत नेमकी काय चर्चा झाली याबाबतची माहिती दिली. 

चंद्रकांत पाटील म्हणाले, आज झालेल्या बैठकीत मुंबई विभागाचा आढावा घेण्यात आला. आगामी महानगरपालिका निवडणुकांमध्ये भाजप सर्वाधिक जागांवर विजय मिळवेल आणि मुंबईचा महापौर हा भाजपचाच असेल, असा विश्वास आहे. येत्या 30 डिसेंबरपर्यंत भाजप मुंबई अध्यक्षपदाची घोषणाही करण्यात येईल.

एकनाथ खडसेंबाबत पत्रकारांनी विचारलेल्या प्रश्नाला उत्तर देताना पाटील म्हणाले, काल उत्तर महाराष्ट्राची आढावा बैठक जळगाव येथे घेतली. यावेळी अनेक गोष्टींवर चर्चा झाली. महाराष्ट्रात भाजप पक्ष वाढविण्यात आणि संघटन मजबूत करण्यात खडसेंचा महत्त्वाचा वाटा आहे. खडसे पक्ष सोडण्याचा विचार करणार नाहीत, असा विश्वासही पाटील यांनी यावेळी व्यक्त केला. 

सत्ता समीकरणाच्या सगळ्या हालचाली झाल्यानंतर आता भाजपनं राज्यात आढावा बैठका घेण्यास सुरुवात केली आहे. काल जळगावात उत्तर महाराष्ट्र विभागाची आढावा बैठक झाली. त्यानंतर आज मुंबई विभागाचा आढावा घेण्यात आला.

मुंबई महापालिकेत असे आहे संख्याबळ : (2017 महानगरपालिका निवडणूक)

1) शिवसेना : 84 जागा

2) भाजप : 82 जागा

3) काँग्रेस : 31 जागा

4) राष्ट्रवादी काँग्रेस : 9 जागा

5) मनसे : 7 जागा

6) समाजवादी पक्ष : 6 जागा

7) एमआयएम : 2 जागा

8) अपक्ष : 6 जागा

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

FDA Crime : ‘एफडीए’ची कॅम्प, एमजी रोडवरील २० हॉटेलची तपासणी; ॲमेझॉन, बिग बास्केट च्‍या गोडावूनवरही छापे

Baramati Crime : बारामतीत खंडणीच्या मागणीसाठी डिफेंडर गाडीवर गोळीबार; शिवशंभूनगर परिसरात खळबळ

Family Court Divorce Ruling : पोटगीचे साडेसहा लाख घेऊनही पत्नीचा घटस्फोटाला नकार; 'यू-टर्न' प्रकरणात कौटुंबिक न्यायालयाचा मोठा निकाल, पतीचा अर्ज मंजूर!

पुढच्या सहा महिन्यात शनीचं मोठं राशीपरिवर्तन! दोन राशींना दिलासा, तर दोन राशींच्या अडचणी वाढणार

Latest Marathi News Live Update: जाणून घ्या दिवसभरातील महत्वाच्या घडामोडी !

SCROLL FOR NEXT