मुंबईः सोशल मीडियावर फेक अकाऊंट्स बनवणाऱ्या एका २० वर्षीय तरुणाला मुंबई पोलिसांनी अटक केली आहे. या तरुणानं आंतरराष्ट्रीय सोशल मीडिया मार्केटिंग (SMM) या रॅकेटमध्येही काम केल्याचं उघड झालं आहे. मुंबई पोलिसांच्या गुन्हे शाखेनं कारवाई करत त्याला अटक केलीय. अभिषेक दौडे असे आरोपीचं नाव असून तो कुर्ला येथे राहतो. या रॅकेटच्या आधारे त्यानं सोशल मीडिया प्लॅटफॉर्मवर बनावट प्रोफाइल तयार केले आणि विकले. 

एखाद्या व्यक्तीची प्रोफाईल प्रभावक म्हणून वापर करुन कृत्रिमरित्या सोशल मीडियावर फॉलोअर्सच्या संख्येत वाढवण्याचं काम हा तरुण करायचा, अशी माहिती पोलिसांनी दिली आहे. 

हेही वाचाः संकटांना आवरा हो ! कोरोनासोबत मलेरियाच्या वाढत्या रुग्णांनी पालिकेची चिंता वाढवली

जास्त फॉलोअर्स असलेल्या लोकांना सोशल मीडियावर मोठी मागणी असते.  फॉलोअर्स जास्त असतील तर  एखाद्या कंपनीचे किंवा एखाद्या ब्रँडच्या उत्पादनास मान्यता देऊन त्यांची विक्री वाढवता येते. बॉलिवूडमधील पार्श्वगायिका भूमी त्रिवेदी यांनी  मुंबई पोलिसांकडे तक्रार दाखल केली. तिनं आपल्या तक्रारीत म्हटलं की,  कोणीतरी माझ्या नावाचं इंस्टाग्रामवर फेक प्रोफाइल तयार केली आहे. या रॅकेटच्या तपासासाठी विशेष तपास पथक स्थापन केलेल्या गुन्हे शाखेने मंगळवारी कुर्ल्यातील गौरी शंकर नगर येथे राहाणारा दौडे यांना अटक केली, अशी माहिती पोलिसांनी दिली. 

अधिक वाचाः धारावी कोरोनामुक्तीच्या मार्गावर,  फक्त 'इतकेच' अॅक्टिव्ह रुग्ण

इंस्टाग्राम, टिकटॉक, फेसबूक या सोशल मीडिया साईटवर आरोपीनं एकूण १७६ फेक अकाऊंट्सवर ५ लाख फेक फॉलोअर्स बनवले.  हे फेक अकाऊंट्स मॅन्युअली किंवा सॉफ्टवेअरच्या मदतीने तयार केले जातात. सामान्यत: त्याला बॉट्स म्हणतात. 

अधिकाऱ्यानं सांगितले की, आरोपी दौडे याला न्यायालयात हजर केले असता, त्याला 17 जुलैपर्यंत पोलिस कोठडी सुनावण्यात आली.

fake profiles accused Abhishek Daude Mumbai Police's Crime Branch arrested