मुंबई - महाराष्ट्रातील महाविकास आघाडीकडून आज शेतकऱ्यांना गिफ्ट मिळालंय. महात्मा ज्योतिबा फुले कर्जमाफी योजनेची पहिली यादी आज जाहीर करण्यात आली आहे. महाराष्ट्राचे मुख्यमंत्री उद्धव ठाकरे आणि महाराष्ट्राचे उपमुख्यमंत्री अजित पवार यांच्याहस्ते ही यादी जाहीर करण्यात आली. दरम्यान, महाराष्ट्र शासनाकडून जारी करण्यात आलेल्या पहिल्या यादीत ६८ गावातील शेतकऱ्यांचा समावेश करण्यात आलाय. येत्या २४ तासांमध्ये या सर्व शेतकऱ्यांच्या शेतकरी कर्जमाफीची रक्कम जमा होणार आहे. जिल्हा पातळीवर देखील आता कर्जमाफीचं काम सुरु करण्यात आलंय.
कर्जमाफीनंतर शेतकऱ्यांनी महाविकास आघाडीला आशीर्वाद दिल्याचं विजय वडेट्टीवार यांनी म्हटलंय. मागच्या सरकारने कर्जमाफी दिली, मात्र याबाबतचे आकडे मागितल्यावर कोणतीही माहिती देण्यात आली नाही. आम्ही याबाबतच्या याद्या देखील मागितल्या होत्या, मात्र मागील भाजप सरकारकडून कोणत्याही याद्या आम्हाला देण्यात आल्या नाहीत. गेली पाच वर्ष भाजप सत्तेत होतं, गल्लीपासून दिल्लीत भाजपचं सरकार होतं. अशातही भाजप तोंड लपवत फिरत होतं. त्यामुळे आम्हाला बोलण्याचा त्यांना काहीही अधिकार नाही. भाजप विरोधात असल्याने आता त्यांच्याकडे आरोप करण्यावाचून काही काम नाही असं काँग्रेस नेते विजय वडेट्टीवार म्हणालेत.
मोठी बातमी - चीनहून परतली, अन् 'कोरोनो' घेऊन आली!'
दरम्यान, या कालच महाविकास आघाडीच्या कॅबिनेटची बैठक पार पडली. यावेळी उपमुख्यमंत्री अजित पवार यांच्यासह अन्य मंत्रीही उपस्थित होते. यावेळी मुख्यमंत्री उद्धव ठाकरे यांच्याकडून ही घोषणा करण्यात आली होती. दरम्यान, आता कर्जमाफीची दुसरी यादी २८ फेब्रुवारीला जाहीर करण्यात येणार आहे. एप्रिल महिन्याच्या शेवटपर्यंत संपूर्ण महाराष्ट्रातील शेकऱ्यांना कर्जमाफी दिली जाणार आहे.
first list of mahatma phule farmers loan wavier is out amount will be deposited in 24 hour
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.