मुंबई : कोरोनासारख्या रोगामुळे एकीकडे गर्भवती मातांना आरोग्य सुविधा मिळत नसल्याच्या तक्रारी येत असतांना, दुसरीकडे मात्र, एका सात महिने पुर्ण होणाऱ्या गर्भवती महिलेला अतिरक्तस्त्रावाचा त्रास होऊ लागला. त्यामूळे जिवाचा धोका असतांना, खासदार सुप्रिया सुळेंच्या मध्यस्तीने योग्य वेळेवर उपचार मिळू शकल्याने गर्भवती महिलेचा जीव वाचवता आला आहे, दुर्दैवाने सात महिन्याचे बाळ मात्र दगावले आहे.
घाटकोपर परिसरातील वगारे कुटूंब दोन महिन्यानंतर गोडंस बाळ जन्माला येण्याचे वाट पाहत होते. मात्र, सात महिन्याची गर्भवती असलेल्या श्वेता वगारे यांना अचानकच अती रक्तस्त्राव होऊ लागला. त्यामुळे रात्रीच स्थानिक नेहमीच्या डाॅक्टरांकडे उपचारासाठी नेण्यात आले. मात्र स्थानिक पातळीवर अत्याधुनिक सुविधा नसल्याने, वगारे यांना वाडीया रुग्णालयांमध्ये जाण्याचे सांगितले. मात्र, वाडीया रुग्णालयांमध्ये कोवीड टेस्ट केल्या शिवाय घेत नसल्याचे सांगण्यात आले. शिवाय रुग्णालयामध्ये खाट शिल्लक नसल्याचे कारण देण्यात आले होते.
मात्र, यादरम्यान अतिरक्तस्त्रावर होत असल्याने मातेच्या आणि बाळाच्या जिवाला धोका निर्माण झाला होता. तर उपचार मिळणे सुद्धा फार आवश्यक होते. मात्र, कोवीड-19 च्या काळात प्रत्येक रुग्णाला अनेक नियमांचे पालन करावे लागत असल्याने उपचाराला उशीर झाल्यास कोणताही अनुचीत प्रकार घडण्याची शक्यता असतांना, वगारे यांच्या कुटूंबीयांनी खासदार सुप्रिया सुळे यांचे स्वीय सहाय्यक सुरेश पाटील यांना फोन करून घडलेल्या घटनेची माहिती देताच, सुळे यांच्या मध्यस्तीने पाटील यांनी जे जे रुग्णालयामध्ये तात्काळ उपचार मिळवून दिला.
त्यामुळे दुर्दैवाने वगारे कुटूंबात येणाऱ्या नवजात बालक दगावल मात्र, अतिरक्तस्त्रांवामूळे जिवाला धोका असलेल्या मातेला वाचवण्यात यश आले आहे. जे जे रुग्णालयातील निवासी वैद्यकीय अधिकारी डाॅ.रवि कांबळे यांनी रुग्णालयामध्ये गर्भवती मातेच्या आरोग्याची विशेष काळजी घेतली तर, यादरम्यान मातेला सर्व सुविधा उपलब्ध करून देण्यासाठी आरोग्य मंत्री राजेश टोपे यांचे विशेष कार्याधिकारी डाॅ,सचिन जाधव, डाॅ.अमोल लगड यांनी परिश्रम घेतले आहे.
अतिरक्तस्त्रावामूळे श्वेताची तब्येत नाजूक होत होती. अशा परिस्थितीत वाडिया रुग्णालयाने सुद्धा उपचार करण्यासाठी नाकारल्याने, तब्येत आणखीच खराब झाली होती. मात्र, खासदार सुप्रीया सुळे आणि यांचे स्वीय सहाय्यक पाटील यांनी केलेल्या मदतीमुळे अत्यंत कठीण परिस्थितीत श्वेताला सुरक्षीत ठेवण्यात यश आले आहे.
- जीवन वड्डे, गर्भवती महिलेचा भाऊ, भाईंदर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.