मुंबई : शहर आणि उपनगरात होत असलेल्या जोरदार पावसामुळे मुंबई उच्च न्यायालयातील ऑनलाईन सुनावणीचं काम उद्यापर्यंत उद्यापर्यंत तहकूब करण्यात आले आहे. दरम्यान, अभिनेता सुशांतसिंग राजपूत आत्महत्या तपासाबाबत दाखल केलेल्या याचिकेवरही बुधवारी सुनावणी होणार आहे.

मुसळधार पाऊस आणि ठिकठिकाणी पाणी साठल्यामुळे मुंबई पुन्हा एकदा संथ झाली आहे. रेल्वे आणि बससेवेवरही याचा परिणाम झाला आहे. या पाश्र्वभूमीवर उच्च न्यायालयात होणाऱ्या पाचही ऑनलाईन खंडपीठांंचे कामकाज तहकूब करण्यात आले आहे. याबाबतची माहिती अधिकृत सुत्रांनी दिलीआहे. त्यामुळे आज नियोजित सर्व सुनावणी बुधवारी होणार आहेत.

सुशांतसिंग राजपूतच्या आत्महत्येचा तपासाबाबत दाखल केलेली जनहित याचिकेवरही आता उद्या सुनावणी होणार आहे. मुख्य न्या. दिपांकर दत्ता यांच्या खंडपीठापुढे ही सुनावणी होणार आहे. याचिकादार समित ठक्कर यांनी याचिका केली असून सीबीआय तपासाची मागणी केली आहे. सध्या मुंबई पोलीस या प्रकरणाचा तपास करीत आहेत.

मुंबईतील पावसाच्या महत्त्वाच्या बातम्या 

-- Red Alert Mumbai: मुंबईत NDRF च्या तुकड्या सज्ज, नागरिकांनी सतर्क राहा... 

-- Mumbai Rain Updates: गरज असेल तरच बाहेर पडा!, मुंबईत रात्रभर तुफान पाऊस

-- Local Train Update:अत्यावश्यक सेवेतील कर्मचाऱ्यांनी जाणून घ्या रेल्वे संदर्भातले अपडेट्स

-- मुंबईच्या पूर्व उपनगरात पावसाचा तडाखा, अर्धे टिळकनगर पाण्याखाली...

( संकलन - सुमित बागुल ) 

sue to heavy rainfall hearing of online court postponed till tomorrow