सातारा : कोरोना विषाणूच्या संसर्गामुळे संपूर्ण देशात संचारबंदी लागू केली आहे. 14 एप्रिलपर्यंत लॉकडाऊन राहणार आहे. अशा परिस्थितीत सातारा विभागातील वयस्कर, तसेच दिव्यांग पेन्शनर यांच्यासाठी घरपोच पेन्शन देण्याची सुविधा सातारा टपाल विभागाने उपलब्ध केली आहे. अशा पेन्शनधारकांनी त्यांच्या जवळच्या टपाल कार्यालयात संपर्क साधावा, असे आवाहन टपाल विभागाने केले आहे. 

खेडोपाड्यात विविध राष्ट्रीयकृत बॅंकांचे ग्राहक आहेत. ज्यांचे खाते आधार संलग्न आहे. त्यांना देखील लॉकडाऊन परिस्थितीमुळे त्यांच्या बॅंक खात्यातील पैसे काढण्यास अडचण निर्माण होत आहेत; परंतु अशा ग्राहकांनाही तेथील पोस्टमनमार्फत एका वेळेस दहा हजार रुपयांपर्यंत "आधार संलग्न भुगतान प्रणाली'द्वारे पैसे देण्याची व्यवस्था केली आहे. बॅंकेच्या ग्राहकांनाही अशी सुविधा पोस्टमनमार्फत घरपोच मिळणार असल्याने त्यांना घराबाहेर पडण्याची आवश्‍यकता नाही. बॅंकेच्या ज्या ग्राहकांना त्यांचे पैसे काढण्यात अडचण येत आहे. त्यांनी आपल्या भागातील पोस्टमन, ग्रामीण डाक सेवक यांच्याशी संपर्क साधावा, असे आवाहन करण्यात आले आहे. 


औषधेही पाठविता येणार

सध्याच्या काळात वाहतुकीची सर्व साधने बंद असल्याने कोणत्याही वस्तूची ने-आण करणे अशक्‍य झाले आहे; परंतु अशा परिस्थितीत आजारी व्यक्तीपर्यंत औषधे पोचविणे महत्त्वाचे आहे. यासाठी टपाल खात्याने ठराविक ठिकाणी विशेष व्यवस्था केली आहे. त्यामुळे ज्या व्यक्तींना ठराविक ठिकाणी औषधे पाठवायची आहेत. त्यांनी विभागीय कार्यालयास (02162) 237443, तसेच प्रधान डाकघर सातारा (02162) 237495 व प्रधान डाकघर कऱ्हाड (02164) 222091 या दूरध्वनी क्रमांकावर संपर्क साधावा, असे आवाहन एम. एस. अहिरराव यांनी केले आहे.

Coronavirus : सातारा जिल्ह्यात काेराेनाचा दूसरी बळी; बाधितांची संख्या झाली सात 

लावणी सम्राज्ञी सुरेखा पुणेकरांची उद्धव सरकारपुढे आर्त हाक

सातारा जिल्ह्यातील कोरोना संशयित रुग्णांच्या तपासणीसाठी पाच ठिकाणी केअर सेंटरची स्थापना

मरकजमधील तरूणासह 7 जणांवर गुन्हा ; तपासणी चुकवून लपल्याने दणका 

सलून व्यावसायिक आणि त्यांच्या ग्राहकांसाठी माेठी आणि महत्वपुर्ण बातमी