जत - तुबची बबलेश्वर योजनेची निर्मिती मी स्वतः व आमच्या सरकारने केली आहे. त्याचे जनक आम्ही आहोत. आज हे पाणी जत पूर्व भागात मोठेवाडी, भिवर्गी, तिकोंडी इथपर्यंत आलेय. हे पाणी तुबची योजनेचे आहे. आठ दिवसांत ते संखसह पूर्व भागातील तेरा तलावांत सोडू, असे प्रतिपादन कर्नाटकचे माजी मंत्री तथा आमदार एम. बी. पाटील यांनी केले.

दारात फटाके उडवल्याच्या कारणातून कोल्हापूर जिल्ह्यात तरूणाचा खून 

काँग्रेस महाआघाडीचे उमेदवार विक्रमसिंह सावंत यांच्या प्रचारार्थ संख, उमदी या ठिकाणी जाहीर सभेत ते बोलत होते. काँग्रेसचे प्रदेश कार्याध्यक्ष आमदार डॉ. विश्वजीत कदम, प्रदेश महासचिव सचिन सावंत, आमदार आनंद न्यामगोंड, विक्रम सावंत, आप्पाराया बिरादार, संतोष पाटील, सुजय शिंदे, भुपेंद्र कांबळे आदी उपस्थित होते. 

इचलकरंजीत बनावट नोटांचा कारखाना उद्‌ध्वस्त 

श्री. पाटील म्हणाले,‘‘कर्नाटकात काँग्रेसचे सरकार असताना ३ हजार ६०० कोटी रुपये खर्च करून तुबची बबलेश्वर योजनेची निर्मिती मी स्वतः आणि आमच्या सरकारने केली. मात्र, योजनेचा दूरवर संबंध नसताना मूल आमचं अन्‌ पालकत्व माझं असं भाजप करू पाहत आहे.’’

कोल्हापूरकरांनो, वेगमर्यादेचे उल्लंघन कराल तर अडचणीत याल 

आमदार पाटील म्हणाले,‘‘जत तालुक्‍याला आम्ही कधीच वेगळे समजले नाही, हा भाग गडीनाड विभागात मोडतो. विशेष स्नेहबंध आमच्या राज्याशी आहेत. कर्नाटक सरकारने नेहमीच या भागावर प्रेम केले आहे. आज तुबची योजनेच्या माध्यमातून या भागाला पाणी देण्यास आम्ही नेहमीच सकारात्मक पाऊल टाकले. पूर्वभागातील ४८ गावांना तुबचीचे पाणी मिळावे म्हणून सावंत यांनी माझ्याकडे व कर्नाटक, महाराष्ट्र सरकारकडे पाठपुरावा केला होता. ही योजना तयार करताना जतसह कर्नाटकातील चडचण, इंडी भागातही पाणी जाईल, असा आराखडा केला आहे. भाजपसह विरोधक ही योजना छोटी असल्याचे सांगत आहेत. त्यात तथ्य नाही. या योजनेच्या पाईप या एकावर एक तीन माणसे उभारतील इतक्‍या मोठ्या आहेत. दूरदृष्टिकोन ठेवून या योजनेची निर्मिती करण्यात आली आहे.’’

Vidhan Sabha 2019 : कणकवलीतील ती सभा राणेंची अन् कौतुक मात्र माझे - दीपक केसरकर