बारामती (पुणे) : शहरातील कोरोनासंदर्भातील परिस्थिती सुधारली असल्याने प्रशासनाने सोमवार (ता.22) पासून अधिक शिथीलता देण्याचा निर्णय घेतला आहे. सोमवारपासून बारामतीतील सर्व दुकाने सकाळी 9 ते संध्याकाळी सात वाजेपर्यंत सुरू राहणार आहेत.
गेल्या अनेक दिवसांपासून बारामती शहरातील व्यवहार पूर्ववत व्हावेत, अशी व्यापाऱ्यांची मागणी होती. त्याचा विचार करून प्रशासनाने दोन तास आणखी दुकाने सुरू ठेवण्यास परवानगी दिली असल्याची माहिती बारामती व्यापारी महासंघाचे अध्यक्ष नरेंद्र गुजराथी यांनी दिली.
बारामतीतील आमराई परिसरातील एका महिलेला कोरोनाची बाधा झाल्याची घटना समोर आल्यानंतरही शहरातील परिस्थिती तुलनात्मक उत्तम असल्याने प्रशासनाने हा निर्णय घेतला आहे. या महिलेव्यतिरिक्त बारामतीत कोरोनाचा एकही रुग्ण नाही. त्यामुळे व्यापाऱ्यांचे होणारे नुकसान टाळण्याच्या उद्देशाने हा निर्णय घेण्यात आला आहे. इतक्या दिवस संध्याकाळी पाच वाजेपर्यंत दुकाने सुरू ठेवण्यास परवानगी देण्यात आली होती.
मात्र कामावर लवकर जाणारे आणि पाचनंतर परतणाऱ्यांची मोठी गैरसोय होत होती. याचा विचार करुन हा निर्णय घेतला गेला.
व्यापाऱ्यांच्या मागणीचा विचार करुन हा निर्णय झाला ही बाब बारामतीच्या व्यापाऱ्यांसाठी आनंददायी आहे, असे नरेंद्र गुजराथी, सुशील सोमाणी यांनी सांगितले.
हॉटेल, लॉज, जिमही सुरु करा...
सर्वांना परवानगी दिलेली असताना हॉटेल, लॉज, जिम, सलून व्यावसायिकांना मात्र अद्यापही दिलासा मिळालेला नाही. आता इतर सर्व बाबी सुरु झालेल्या असताना या व्यावसायिकांना बारामतीत व्यवसाय सुरू करण्याची परवानगी दिली पाहिजे, अशी या व्यावसायिकांची मागणी आहे.
- पुण्याच्या बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.