बारामती (पुणे) : बारामती शहरातील पोस्ट कार्यालयात इंडिया पोस्ट पेमेंट बँकेत खाते उघडण्यासाठी झालेल्या तुफान गर्दीने आज शहरातील सोशल डिस्टन्सिंगचे तीन तेरा वाजले. विशेष म्हणजे, इतकी गर्दी होत असताना आणि पोस्ट कार्यालयाकडून वारंवार सूचना देऊनही स्थानिक प्रशासनाने मात्र याबाबत काहीही कार्यवाही केली नाही.
पोस्टाच्या इंडिया पोस्ट पेमेंट बँकेत खात्यात गेल्या काही दिवसांपासून सरकारी अनुदान जमा होणार आहे. पंतप्रधान नरेंद्र मोदी काही पैसे या खात्यात जमा करणार आहेत, कोरोनासाठी काही पैसे या बँकेच्या खात्यावर जमा होणार आहेत, अशा स्वरुपाच्या अफवांमुळे हे खाते उघडण्यासाठी महिलांनी मोठी गर्दी केली आहे.
अनेक महिला पहाटे पाच वाजल्यापासूनच उपाशीपोटी रांगा लावत आहेत. आज सकाळ प्रतिनिधीने सकाळी या महिलांची भेट घेत चौकशी केल्यानंतर अनेक महिलांना हे खाते नेमके कशासाठी सुरु करायचे आहे, याची काहीही माहिती नव्हती. पंतप्रधान नरेंद्र मोदी यात काही पैसे जमा करणार आहेत आणि इतर महिलांनी ही खाती सुरु केली आहेत, या साठी आम्हीही हे खाते सुरु करण्यासाठी आलो आहोत, असे या महिलांनी नमूद केले. या संदर्भात पोलिसांकडून बंदोबस्त दिला जात आहे, मात्र आपले खाते लवकर सुरु व्हावे, या साठी महिलांकडून गर्दी केली जात आहे.
या संदर्भात पोस्ट खात्याचे प्रमुख अमेय निमसुडकर यांनीही महिलांना याबाबत माहिती दिली, मात्र काहीही करा पण आमचे पोस्टातील खाते सुरु करुन द्या, असा आग्रह त्यांनी धरला होता. रांगेत थांबतो, कितीही वेळ थांबतो, पण खाते सुरु करा, यावर महिला ठाम होत्या.
सोशल डिस्टन्सिंगचे तीन तेरा...
जवळपास दोनशेहून अधिक महिला रांगेत परस्परांच्या अगदी जवळ अनेक तास उभ्या असतात. यात संसर्गाचा धोका सर्वाधिक आहे. याबाबत माध्यमांनी दखल घेऊनही स्थानिक प्रशासन काहीही उपाययोजना आखत नसल्याने आश्चर्य व्यक्त होत आहे. आमराई परिसरात एकाच वेळेस अनेक तास या महिलांचा वावर धोकादायक असून कोरोनामुक्त बारामतीसाठी ही गर्दी भविष्यात चिंतेचा विषय ठरु शकते. महिलांसमवेत ज्येष्ठ नागरिक व छोटी मुलेही येथे येतात ही अजून चिंताजनक आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.