दौंड - दौंड शहरात पोलिसांनी एका कारवाईत १ लाख ७८ हजार रुपयांचा गुटखा जप्त केला. अन्न व औषध प्रशासन विभागाचे (एफडीए) अधिकारी दौंड पोलिस ठाण्यात येऊनही कारवाई न करता निघून गेले. 

दौंडचे पोलिस निरीक्षक चंद्रशेखर यादव यांच्या विशेष पथकाने बुधवारी (ता. १३) दुपारी दौंड-गोपाळवाडी रस्त्यालगत गोल्डन जनरल स्टोअर्समध्ये छापा टाकून ही कारवाई केली. छाप्यात दुकानाशेजारील गोदामातून १ लाख ७८ हजार रुपयांचा प्रतिबंधित गुटखा जप्त केला.

'सकाळ'चे मोबाईल ऍप डाऊनलोड करा

या प्रकरणी गुटखा विक्रेता नरेश खियालदास रोहिडा (वय ५१, सध्या रा. सरपंच वस्ती, दौंड) यास ताब्यातही घेण्यात आले. कारवाईत हवालदार संदीप जाधव, सुरेंद्र वाघ यांच्यासह स्वप्नील अहिवळे, विशाल जावळे, शर्मा पवार यांनी भाग घेतला. अन्न व औषध प्रशासन विभागाला पुढील कारवाईबाबत पोलिसांनी कळविले. त्यानुसार गुरुवारी (ता. १४) सकाळी अन्न सुरक्षा अधिकारी दौंड पोलिस ठाण्यात आले. जप्त केलेल्या मालाची पाहणी किंवा त्यासंबंधी चौकशी न करता त्यांनी तातडीचे काम आल्याने व प्रलंबित कामे असल्याने जात असल्याचे सांगितले. गुटख्यासंबंधी आमच्या कार्यालयास पत्र द्या, असे सांगून कारवाई न करताच पाटील निघून गेले, अशी नोंद दौंड पोलिसांनी केली आहे.  

'ABCD' सोबत या शाळांत 'गमभन'

गुटखा विक्रेता नरेश रोहिडा याला चौकशी करून सोडून दिल्याचे पोलिसांनी सांगितले. जप्त केलेली गुटख्याची पोती दौंड पोलिस ठाण्याच्या आवारात पडून आहेत. 

या...पाहा...इथे काँक्रीटच्याही चिंधड्या होतात...!