पुण : शेतातील काम संपवून घरी जाताना रस्त्यावरून दुचाकी घसरली आणि 'त्यांच्या' डोक्‍याला जबरी मार बसला. काही कळायच्या आतच हे सगळं अगदी क्षणार्धात घडलं. हा अपघात झाला रविवारी (ता. 22) संध्याकाळी पावणे सात वाजण्याच्या सुमारास. त्यांना तातडीने उपचारासाठी पुण्यात आणले. पण, डोक्‍याला लागलेला जबरी मार आणि इतर अवयवांना झालेल्या गंभीर जखमांमुळे रुग्ण उपचारास प्रतिसाद देत नव्हता. अखेर, बुधवारी सकाळी त्यांच्या मेंदूचे कार्य थांबले (ब्रेन डेड). त्यावेळी अवयव दानाच्या आवाहनास रुग्णाच्या नातेवाइकांना सकारात्मक प्रतिसाद दिल्याने यकृत, मूत्रपिंड आणि त्वचा 'ब्रेन डेड' रुग्णाचे अवयव दान केले. 

महत्त्वाचे! मुंबई-पुणे प्रवास करत असाल तर ही बातमी वाचलीच पाहिजे

नगर येथील 52 वर्षांच्या शेतकऱ्याने मरणोत्तर दान केलेल्या अवयवांमुळे तीन रुग्णांचे प्राण वाचले. हा शेतकरी घरातील प्रमुख होता. त्याच्या घरातील नातेवाइकांनी सर्वांनी एकत्र येऊन अवयव दानाचा निर्णय घेतला. या शेतकऱ्याच्या मागे इयत्ता पाचवीत शिकणारा मुलगा, पत्नी, बहीण, भाऊ असा परिवार आहे. रस्त्यावर झालेल्या अपघातामुळे 'ब्रेन डेड' झालेल्या रुग्णाने यकृत, दोन्ही मूत्रपिंड आणि त्वचा असे तीन अवयव दान केले. त्यामुळे मूत्रपिंड आणि यकृताच्या प्रतीक्षेत असलेल्या तीन रुग्णांना यातून नवजीवन मिळाले. 

मुंबई-पुणे द्रुतगती मार्गावर कारचा भीषण अपघात; चालक जागीच ठार

या बाबत अधिक माहिती देताना 'झोनल ट्रान्सप्लॅंट को-ऑर्डिनेशन कमिटी' (झेडटीसीसी) पुणे विभागाच्या समन्यवक आरती गोखले म्हणाल्या, 'गेल्या वर्षी पुण्यात 63 जणांना अवयव दान केले होते. त्यात बारा हृदय दानाचा समावेश होता. यंदाही 63 जणांनी अवयव दान केले असून, त्यातही दान केलेली बारा हृदये देशातील वेगवेगळ्या शहरांमधील अत्यवस्थ रुग्णांवर प्रत्यारोपीत करण्यासाठी पाठविण्यात आली आहेत.''  अवयवदानाबाबत होत असलेल्या जनजागतीमुळे या चळवळीला प्रतिसाद मिळत असल्याचेही त्यांनी स्पष्ट केले. 

Video : अखेर, ढगाळ वातावरणातही पुणेकरांना दिसलं सूर्यग्रहण

सलग तीन दिवस अवयव प्रत्यारोपण 
शहरात पहिल्या दिवशी सांगली, दुसऱ्या दिवशी नाशिक आणि तिसऱ्या दिवशी पुण्यातील रुग्णालयांमधून अवयव दान झाले. दान केलेले हे अवयव प्रत्यारोपणासाठी शहराती वेगवेगळ्या रुग्णांमध्ये आणले. वैद्यकीय पथकातील डॉक्‍टरांनी अवयवाच्या प्रतीक्षीत असलेल्या रुग्णांना शस्त्रक्रिया करून या अवयवांचे प्रत्यारोपण करण्यात आले. सलग तीन दिवशी अवयव प्रत्यारोपण शस्त्रक्रिया होण्याची या वर्षातील ही दुसरी वेळ होती, अशी माहिती मिळाली.