market.jpg 
पुणे

बाजारपेठेवरचं "विघ्न' हळूहळू होतयं दूर 

सकाळवृत्तसेवा

पुणे : "विघ्नहर्ताच्या उत्सवाला सुरवात होत आहे. बाजारपेठेचे विघ्न नक्कीच दूर होईल. ग्राहकांच्या मनातील भीती आता दूर झाली आहे, सुरक्षितता बाळगून ते खरेदीसाठी बाहेर पडत आहे. बाजारपेठ पुन्हा सावरू लागली आहे,' असे पूना गाडगीळ ज्वेलर्सचे सौरभ गाडगीळ सांगत होते. 

कोरोनामुळे गेली पाच महिने गडद झालेले बाजारपेठेवरचे विघ्न उद्या येणारा विघ्नहर्ता दूर करेल, अशी प्रार्थना बाजारातील सर्वच व्यापारी करत आहेत. सध्या शहरातील सर्व दुकाने सायंकाळी सात वाजेपर्यंत खुली ठेवण्यास प्रशासनाने मान्यता दिली आहे. खरंतर श्रावण आणि त्यानंतर सणासुदीचा काळ सुरू होते. त्यामुळे दरवर्षी श्रावण महिन्यांपासून बाजारपेठेत गर्दी उसळू लागते.

यंदा मात्र कोरोनाच्या पार्श्‍वभूमीवर बाजारपेठेचे रूपडे बदलले आहे. दुकाने उघडी ठेवण्यास परवानगी दिल्यानंतर सुरूवातील ग्राहकांची वाट बघण्यात दिवस जात होता. आता मात्र हळूहळू हे चित्र बदलू लागले आहेत. नागरिक ही सुरक्षितता घेऊनच बाहेर पडत असल्यामुळे बाजार पेठेतील गर्दी वाढू वाढल्याचे चित्र पाहवयास मिळत आहे.

याबाबत गाडगीळ म्हणतात,"" गुंतवणूक म्हणून सोन्या-चांदीला ग्राहकांकडून मागणी वाढली आहे. वेढणी आणि चोख सोने खरेदीवर त्यांचा भर आहे. तर "श्री'ची चांदीची मूर्ती आणि दागिन्यांना मागणी जास्त आहे.'' 

गणेशोत्सव म्हणजे विघ्नहर्ताचा उत्सव. त्यामुळे शुभमुहूर्ताचे निमित्त साधून नवीन वस्तू घरात आणण्याची आपली परंपरा आहे. त्यामुळे मोठ्या प्रमाणावर बाजारपेठांमध्ये सकाळपासूनच गर्दी झाली होती. अनेक ठिकाणी नागरिकांना वाहतूक कोंडीचा देखील त्रास सहन करावा लागला. बप्पाच्या आगमनाच्या तयारीसाठी झालेल्या गर्दीने दुकाने देखील फुलून गेली होती. या पुढील काळात ही अशीच बाजारपेठ ग्राहकांनी फुलू दे, अशी प्रार्थना व्यापारी वर्गाकडून मनोमन व्यक्त केली जात असल्याचे दिसून आले. 


ग्राहक येण्यास सुरवात झाली आहे. परंतु कपड्यांना म्हणावे तसे ग्राहक अजून नाही. येथून पुढच्या काळात वाढतील, अशी अपेक्षा आहे. 
-पंढरीनाथ कुऱ्हाडे , ( वस्त्रांगणा साडी सेंटर) 


लॉकडाऊन नंतरचा काळ आणि आताच्या काळात बराच फरक पडला आहे. ग्राहकांची संख्या वाढू लागली आहे. हळूहळू व्यापारी पूर्वपदावर येऊ लागला आहे. 
-सुरेश जैन, (प्लॅस्टिक वस्तूचे व्यापारी) 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

World Record Internet Speed: इंटरनेट स्पीडचा वर्ल्ड रेकॉर्ड! 10,000 पेक्षा जास्त 4K सिनेमे एका क्षणात झाले डाउनलोड, कुठे घडला हा चमत्कार?

Hinjewadi Electric Supply : हिंजवडीतील वीजपुरवठा ७२ तासांनी पूर्वपदावर; नागरिकांकडून सुटकेचा निःश्वास

Latest Marathi News Updates : बँकेबाहेर विसरलेली सव्वा लाखाची रोकड असलेली पिशवी दांपत्यास केली परत

Valhe News : बँकेबाहेर विसरलेली सव्वा लाखाची रोकड असलेली पिशवी दांपत्यास केली परत

Video: बापरे! प्रार्थना बेहरेच्या पायाला गंभीर दुखापत, व्हिडिओ शेअर करत म्हणाली...'तुमच्या आशिर्वादाची...'

SCROLL FOR NEXT