जुन्नर : गोळेगांव ता.जुन्नर येथील सर्वसामान्य आदिवासी कातकरी कुटुंबातील रोहन चव्हाण याने बांबू उडी स्पर्धेत राज्यपातळीवर प्रथम क्रमांक मिळवून सुवर्णपदकाचा मानकरी ठरला आहे. श्री लेण्याद्री गणपती देवस्थान चे विश्वस्त जितेंद्र बिडवई यांनी रोहनचा गोळेगावच्या वतीने सत्कार केला तसेच त्याला राष्ट्रीय पातळीवरील स्पर्धेसाठी शुभेच्छा दिल्या. 

रोहन हा कृष्णराव मुंढे विद्यालयात शिकत असून त्याला मार्गदर्शन करणारे त्याचे क्रीडा शिक्षक डी. एम. चव्हाण सर यांनी त्याला मार्गदर्शन केले. अतिशय प्रतिकूल परिस्थितीत शिक्षण घेत असताना रोहनला खेळाची आवड असल्याने सरांनी त्याला प्रोत्साहन दिले यामुळे तो हे यश संपादन करू शकला असल्याचे बिडवई यांनी सांगितले.

तो राष्ट्रीय पातळीवरील खेळासाठी भोपाळला जाणार आहे. यावेळी त्याच्या शाळेतील मुख्याध्यापक फुलसुंदर सर, क्रीडा शिक्षक चव्हाण सर, पाटे सर, चौधरी सर व कवडे सर यांनी देखील त्याचे अभिनंदन केले. रोहन याचा बिडवई व मान्यवरांनी सत्कार केला.

'ई सकाळ'वरील इतर महत्त्वाच्या बातम्या :

• 'एसटी' कामगारांचे 36 दिवसांचे वेतन कापणार! संपकऱ्यांवर दंडुका
• सीमा सुरक्षेचे आव्हान 
• सोलापुरात 'डिजिटल'वर झळकू लागले लखपती थकबाकीदार
• 'ऑनलाइन'च्या जाचामुळे शिक्षकाची आत्महत्या
• कायदा असताना खासदार शेट्टींची दादागिरी कशासाठी?
• राज्यात हजारो लिटर दूध अतिरिक्त
• शेगावच्या धर्तीवर पंढरपूरचा विकास झाला पाहिजेः पाटील
• दहशतवाद्यांना छुपा पाठिंबा भारत सहन करणार नाही