टाकळी हाजी  : पुणे नगर सरहद्दीवर असणारे जगप्रसिद्ध रांजणखळगे येथे हातपाय धुण्यासाठी गेलेला युवक इसाक तांबोळी मंगळवार ( ता. 20 ) बेपत्ता झाला होता. तब्बल अकरा दिवसानंतर हा मृतदेह सापडला असून पुत्र शोकामुळे बुधवार ( ता. 28 ) वडील रहेमान हुसेन तांबोळी यांचे ह्दयविकाराने निधन झाल्याने या कुटूंबावर शोककळा पसरली आहे.

नवरात्र उत्सवात कुकडी नदीवर असणारे कुंड पर्यटन स्थळ जगप्रसिद्ध रांजणखळगे येथील श्री मळगंगा देवीच्या दर्शनासाठी अनेक भावीक येत असतात. रांजणगाव ( ता. शिरूर) येथील उषा सुरेश जगदाळे यांच्यासह तीन महिला इसाक रहेमान तांबोळी यांच्या रिक्षात आल्या होत्या.

- 'पदवीधर'साठी भाजपचे महानोंदणी अभियान; अडीच हजार कार्यकर्ते उतरणार रस्त्यावर​

नवरात्रीनिमित्त जवळे येथील जगदाळे यांच्या मुलीस फराळाचे पदार्थ देऊन त्या महिला पुन्हा रांजणगाव गणपती कडे परतत होत्या. जाताना कुंड पर्यटन स्थळ येथील श्री मळगंगा देवीच्या दर्शनासाठी या महिला थांबल्या. यावेळी रिक्षा चालक इसाक तांबोळी हा तेथून वाहणाऱ्या कुकडी नदीत हातपाय धुण्यासाठी गेला होता. कुकडी नदीला मोठ्या प्रमाणात पाणी सोडण्यात आले होते. महिला दर्शन घेऊन परतल्यानंतर इसाक रहेमान तांबोळी तेथे नसल्याने त्याचा त्यांनी आजूबाजूला शोध घेतला. तो तेथे आढळून आला नसल्याने त्यांनी त्याच्या नातेवाईकास व पोलिसांना माहिती दिली.

दरम्यान पारनेर पोलीसांनी त्याचा शोध घेतला. मात्र या युवकाचा मृतदेह सापडला नाही. मुलाचा मतदेह सपडत नसल्याचे दुख सहन न झाल्याने रांजणगाव ( ता. शिरूर ) येथील वडील रहेमान हुसेन तांबोळी यांचे बुधवार ( ता. 28 ) ह्दयविकाराच्या झटक्याने निधन झाले. त्यानंतर शुक्रवार ( ता. 30 ) दुपारी एकच्या दरम्यान इसाक तांबोळी या युवकाचा मृतदेह रांजणखळग्यात सापडल्याचे त्यांच्या नातेवाईकांनी सांगितले. संध्याकाळी उशीरा त्यांच्यावर अंतसंस्कार करण्यात आला.

- पुण्यात घडली किळसवाणी घटना; अल्पवयीन मुलीचे अपहरण करून सामूहिक बलात्कार​
- काय म्हणावं या जोडप्याला; कुलूप तोडून बळकावलं बंद रो हाऊस!​