मुंबई महापालिकेची निवडणुकही (BMC Election) येत्या काही दिवसात घोषीत होण्याची शक्यता आहे. यापार्श्वभूमीवर राजकीय पक्षांनी मोठी मोर्चेबांधणीला सुरुवात केली आहे. भाजप (BJP) आणि शिवसेना (ShivSena) यांच्यासाठी तर ही निवडणूक प्रतिष्ठेची असणार आहे. दरम्यान, मनसे-भाजप युतीबाबत (MNS-BJP Alliance) गेल्या अनेक दिवसांपासून चर्चा सुरु आहे, यापार्श्वभूमीवर भाजपचे प्रदेशाध्यक्ष चंद्रकांत पाटील (Chandrakant Patil) यांनी मनसे-भाजप युतीबाबत महत्वाचं विधान केलं आहे. (Will MNS BJP alliance for Mumbai Municipal Election Chandrakant Patil says over it)

मुंबई महापालिका निवडणुकीच्या पार्श्वभूमीवर गेल्या काही दिवसांपासून भाजप नेते मंगलप्रभात लोढा तसेच आशिष शेलार यांनी राज ठाकरेंची भेट घेतली होती. या संदर्भात पत्रकारांच्या प्रश्नावर त्यांच्यामध्ये नक्की कोणत्या कारणासाठी भेट झाली याची माहिती आपल्याला नाही, असं उत्तर चंद्रकांत पाटील यांनी दिलं आहे. पुण्यात ते पत्रकारांशी बोलत होते.

दरम्यान, भाजप नेत्यांच्या भेटीचा विषय काय होता हे माहिती नाही पण भाजप-मनसे युती होण्याचा प्रश्नच निर्माण होत नाही. मुंबई महापालिकेत मनसे स्वतंत्रपणे तर भाजप स्वतंत्रपणे लढेल. मुंबई-पुण्यासह इतर सर्व महापालिकांमध्ये भाजप आपल्या ताकदीवर सत्तेत येईल, असंही चंद्रकांत पाटील यावेळी म्हणाले.