महिंद्राची सर्वात लोकप्रिय एसयूव्हीपैकी एक महिंद्रा थारच्या (Mahindra Thar) प्रेमात लोक पडले आहेत. तिच्या विक्रीत जबरदस्त वाढ पाहायला मिळत आहे. जानेवारीत तिच्या विक्रीत खूपच वाढ नोंदविली गेली आहे. जाणून घ्या किती युनिट या एसयूव्हीची विक्री झाली आणि तिचे वैशिष्ट्ये...

नवीन थारची लोकप्रियता

महिंद्रा अँड महिंद्राने (Mahindra And Mahindra) आपली नवीन महिंद्रा थारची विक्री सप्टेंबर २०२० मध्ये सुरु केली होती. तेव्हापासून तिच्या मागणी वाढत आहे. त्यामुळे कंपनीने तिचे उत्पादनही वाढवले आहे. (Mahindra Thar Sales Rise In January 2022)

जानेवारीत ४७ टक्क्यांनी वाढली विक्री

जानेवारी २०२२ मध्ये महिंद्रा थारच्या विक्रीत मोठ्या प्रमाणावर वाढ झाली आहे. तिची विक्री जानेवारी २०२१ च्या तुलनेत ४७.४ टक्क्यांनी वाढली आहे. दुसरीकडे डिसेंबर २०२१ च्या तुलनेत विक्रीत ११७.३ टक्क्यांनी वाढ झाली आहे. महिंद्रा अँड महिंद्राने जानेवारीत महिंद्रा थारची ४ हजार ६४६ युनिटची विक्री केली आहे. दुसरीकडे जानेवारी २०२१ मध्ये हा आकडा केवळ ३ हजार १५२ होते. डिसेंबर २०२१ मध्ये महिंद्रा थारची २ हजार १३८ युनिट विक्री झाली होती.

फिचर्स आणि किंमत

महिंद्रा अँड महिंद्रा वेगवेगळ्या एसयूव्हीची विक्री करते. यात महिंद्रा बोलेरो, महिंद्रा स्काॅर्पियो आणि नवीन महिंद्रा एक्सयूव्ही ७०० आदींचा समावेश आहे. या व्यतिरिक्त महिंद्रा थार कंपनीची सर्वात विकली जाणारी एसयूव्ही आहे. महिंद्रा थार दोन इंजिनच्या पर्यायाबरोबर येते. यात २.० लीटरचे टर्बो-पेट्रोल इंजिन आणि २.२ लीटरचे टर्बो डिझेल पर्याय उपलब्ध आहे. हे माॅडल १५० पीएसचे मॅक्स पाॅवर आणि ३२० एनएमचे पीक टाॅर्क अथवा १३० पीएसचे मॅक्स पाॅवर आणि ३०० एनएमचे पीक टाॅर्क जनरेट करते. महिंद्रा थारची सध्याची किंमत १३.१७ लाख रुपयांपासून ते १५.५३ लाखांदरम्यान आहे. नुकतेच कंपनीने तिची नवीन जाहिरात प्रसिद्ध केली होती. ते सोशल मीडियावर प्रचंड व्हायरला झाली होती.