Dhule Crime : येथील ग्रामपंचायत लिपिक भरत साळुंखे याने नमुना नंबर आठ दप्तरात फेरफार करून स्वतःचा फायदा केल्याप्रकरणी गुन्हा दाखल होऊन तपासाअंती त्याला अटक करण्यात आली.

भरत याचा गैरव्यवहार उघडकीस आल्यावर त्याला कायमस्वरूपी निलंबित करून त्याच्याविरोधात फिर्याद देण्यात आली होती. (Gram Panchayat Clerk arrested for tampering with records dhule crime)

लिपिकाने पदाचा गैरवापर करून ग्रामपंचायतीची पूर्वसंमती न घेता नमुना नंबर आठमध्ये स्वतःच्या फायद्यासाठी परस्पर फेरफार करून बनावट सही व शिक्का मारून गैरव्यवहार केल्याप्रकरणी लिपिक भरत भिला साळुंखे (रा. घोडमाळ, सामोडे) या कर्मचाऱ्याविरुद्ध तत्कालीन ग्रामविकास अधिकारी बाजीराव जगताप यांनी २५ मार्चला पिंपळनेर पोलिसांत फिर्याद दिली होती.

हेही वाचा : Credit Card फसवणूक....काय घ्याल काळजी?

तत्कालीन सहाय्यक पोलिस निरीक्षक सचिन साळुंके यांच्या मार्गदर्शनाखाली या गुन्हाची नोंद करण्यात आली होती. तपासाअंती भरत साळुंखे यास अटक करून साक्री न्यायालयात हजर करण्यात आले.

न्यायालयाने एक दिवसाची पोलिस कोठडी सुनावली. दुसऱ्या दिवशी न्यायालयाने त्याचा जामीन नाकारून त्याला जिल्हा कारागृहात रवानगी करण्यात आले.