धुळे : महापालिकेने मालमत्ताकर थकबाकीधारकांविरोधात कठोर पावले उचलली असून, जप्ती पथकाने मोबाईल टॉवरधारकावर कारवाई केली. स्टेशन रोडवरील जिल्हा न्यायालयासमोरील एटीसी मोबाईल टॉवर सील करण्यात आले.
भोगवटादार विजय विष्णू दिघे यांच्या जागेवर एटीसी मोबाईल कंपनीचा टॉवर आहे. या मोबाईल टॉवरची तब्बल सहा लाख सात हजार ७५६ रुपये कराची थकबाकी आहे. ती थकबाकी भरण्याबाबत दिघे यांना वारंवार नोटीस बजाविण्यात आली; परंतु तरीही त्यांनी भरणा केला नाही. त्यामुळे अखेर जप्ती पथकाने टॉवर सील केले.
ही कारवाई आयुक्त देवीदास टेकाळे यांच्या मार्गदर्शनाखाली वसुली पथकाचे अधीक्षक शिरीष जाधव, अधीक्षक मधुकर निकुंभ, निरीक्षक अजय देवरे, मनोज चिलंदे, संजय माईनकर यांनी केली. (Mobile tower seals Municipal corporation action dhule news)
पाणीपट्टी व मालमत्ताकर थकविणाऱ्यांवर मनपाने कारवाईची मोहीम हाती घेतली आहे. मोहाडी उपनगरातील प्रमिला वामन ठाकूर यांच्या जागेवरील मोबाईल टॉवर सील करण्यात आले होते. त्यांच्याकडे चार लाख ७७ हजारांची थकबाकी होती.
मनपा हद्दीत एकूण १२९ मोबाईल टॉवर असून, पैकी ५९ मोबाईल टॉवरधारकांनी वेळोवेळी मनपाचा कर अदा केला आहे. उर्वरित ७० मोबाईल टॉवरधारकांनी कर थकविल्याने मनपाने त्यांना नोटीस बजावली आहे. त्यानंतरही कर न भरल्यास टॉवर सील करण्याची कारवाई केली जात आहे. त्यामुळे थकबाकी भरून कारवाईतील कटुता टाळावी, असे आवाहन मनपा प्रशासनाने केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.