जेलरोड (नाशिकरोड) : पिंपळपट्टीरोड लगत आवडाई नगरला मोठया कुकरचा स्फोट होऊन अशोक नारायण पाटील हे गंभीर जखमी झाले आहेत.

स्फोट इतका भयंकर होता, की जवळील घरांना हादरा बसला. पत्नी कामानिमित्त दसकला गेली होती. मुलगा क्लासला गेला होता. त्यावेळी हा प्रकार घडला. अशोक पाटील जेलरोडच्या छत्रपती चौकात वडापावची गाडी आहे. सकाळी नेहमीप्रमाणे आपले दैनंदिन काम करत असताना मोठया कुकरमध्ये बटाटे उकडण्यासाठी टाकलेले होते. कुकरची शिट्टी का होत नाही हे बघत असताना कुकरचा स्फोट होऊन कुकरचे झाकण वर उडाले. कुकरचा दणका पाटील यांच्या पोटात बसल्यामुळे ते जायबंदी झाले. अचानक झालेला आवाज ऐकत परिसरातील नागरिक जमा झाले.

त्यावेळी पाटील यांचे पोट फाटून रक्तस्राव होत होता. पाटील यांना उपचारासाठी नाशिक येथील खासगी रुग्णालयात दाखल करण्यात आले. पाटील यांना एक मुलगा यश (6वी), एक मुलगी मृणाल (1 ली) व पत्नी असा परिवार आहे. नाशिकरोड पोलिस ठाण्यात गुन्हा दाखल करण्याचे काम सुरु आहे.

ई सकाळवरील ताज्या बातम्यांसाठी क्लिक करा :

• पुलवामामध्ये दोन दहशतवाद्यांचा खात्मा
• मराठवाड्याच्या मनाचा मोठेपणा आयुष्यभर विसरणार नाही - शरद पवार
• सोलापूर : शिक्षणासाठी विद्यार्थ्यांचा जीव मुठीत!
• कोयना धरणाचे सहा वक्र दरवाजे उघडणार
• पीक विमा योजनेसाठी आजही बँका उघड्या राहणार​
• पत्नी कमावती असल्याने पोटगीची मागणी फेटाळली​
• शिवसेना बाहेर पडली तरी सरकार स्थिर : चंद्रकांत पाटील​
• नितीशबाबूंचं व्यवहारी राजकारण (श्रीराम पवार)
• 'पाणीदार' चंद्र (डाॅ. बाळ फोंडके)​
• आपला देश बदलतो आहे..! (शेखर गुप्ता)​
• मुख्यमंत्र्यांचे लबाड दावे​