Muharram 2023 : इस्लामिक नवीन वर्षाचा पहिला महिना मोहरमपर्वाला गुरुवार (ता. २०)पासून प्रारंभ झाला. (Muharram 2023 starts from today 20 july nashik news)

बुधवारी (ता. १९) चंद्रदर्शन घडल्याने सायंकाळी मगरीबनंतर अर्थात रात्री आठनंतर मोहरमच्या पहिल्या तारखेस सुरवात होऊन मोहरमपर्वास प्रारंभ झाला आहे.

बुधवारी शहरातील विविध मशिदीमध्ये कुराण खानी संपन्न झाली. पुढील दहा दिवस दैनंदिन मशीदमध्ये कुराण खानी होणार आहे. दरम्यान, जुने नाशिक, वडाळागावात विविध ठिकाणी धार्मिक प्रवचनाचे कार्यक्रमाचे आयोजन असणार आहे.

हेही वाचा : Credit Card फसवणूक....काय घ्याल काळजी?

शनिवारी (ता. २९) मोहरम (आशुरा) सण साजरा केला जाणार आहे. काही मुस्लिम बांधवांची मोहरमनिमित्ताने ताजिया आणि सवारी स्थापना करण्याची परंपरा आहे.

मोहरम महिन्याची ऊर्दू ६ तारखेस ताजिया आणि सवारीची स्थापना करण्यात येत असते. मोहरमच्या दहाव्या दिवशी त्यांचे विसर्जन केले जाते. त्यानिमित्ताने ताजिया साकारणेसह अन्य विविध कामास वेग आला आहे.