नाशिक : पुणे, भुवनेश्वर, कोलकता व पाटणा अशा देशाच्या विविध बाजारपेठांत कांद्याचे भाव घसरले असताना, बुधवारी (ता. 11) कांद्याचे आगार असलेल्या नाशिक जिल्ह्यात भावात सर्वसाधारणपणे एक हजार रुपयांची वृद्धी झाली. 110 रुपये किलोचा भाव साठ रुपयांपर्यंत कमी झालेला असताना पिंपळगावमध्ये 90, लासलगावला 73 रुपये, असा भाव शेतकऱ्यांना मिळाला.
सोलापूरमध्ये वीस हजार रुपयांपर्यंत क्विंटलचा भाव पोचला होता. तो पंधरा हजार, अकरा हजार अशी घसरण होत असताना मंगळवारी (ता. 10) साडेनऊ हजार रुपये भाव मिळाला होता. बुधवारी येथे दहा हजार रुपये या भावाने शेतकऱ्यांनी कांदा विकला. क्विंटलला मुंबईत दहा हजार, नागपूरला सहा हजार व औरंगाबादमध्ये साडेपाच हजार रुपये, असा स्थिर भाव राहिला. पुण्यात अकरा हजार रुपये क्विंटल भावाने कांदा विकला जात असताना शेतकऱ्यांना बुधवारी नऊ हजारांवर समाधान मानावे लागले.
क्विंटलमागे हजार रुपयांची उसळी
बेंगळुरूमध्ये दहा हजार आणि अल्वरमध्ये सात हजार 250 रुपये क्विंटलला भाव निघाला. मंगळवारी लासलगावला 7 हजार 800 रुपये क्विंटल भावाने कांदा विकला गेला असताना, बुधवारी भावात घसरण झाली आणि कांद्याला सात हजार 252 रुपये भाव मिळाला. पिंपळगावमध्ये मात्र दीड हजाराने भाव वाढले. बुधवारी नऊ हजार रुपये क्विंटल असा भाव निघाला. चेन्नईत दहा हजार रुपये असा भाव स्थिर राहिलेला असताना पाचशे रुपयांनी भुवनेश्वर, कोलकता, पाटणा येथे भाव घसरले होते. भुवनेश्वरमध्ये 8 हजार, कोलकत्यात 8 हजार 500, तर पाटण्यात आठ हजार रुपये क्विंटल असा भाव होता.
नाशिक जिल्ह्यातील कांद्याचे भाव
(आकडे क्विंटलमागे रुपयांत)
बाजारपेठ बुधवारचा (ता. 11) भाव मंगळवारचा (ता. 10) भाव
देवळा 7 हजार 6 हजार 105
मनमाड 6 हजार 5 हजार 400
येवला 6 हजार 551 5 हजार 801
चांदवड 7 हजार 770 6 हजार 201
मुंगसे 7 हजार 400 5 हजार 950
उमराणे 8 हजार 700 5 हजार 555
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.