नागपूर : विधिसंघर्षग्रस्त बालकांच्या पुनर्वसनाच्यादृष्टीने बाल न्याय मंडळातर्फे शासकीय मुलांच्या निरीक्षणगृहात ‘अंकुर प्रोजेक्ट' राबविला जात आहे. ‘पेराल ते उगवेल’ म्हणीचा खरा अर्थ मुलांना उमजावा, मुलांमध्ये स्वयंशिस्त लागावी, समाजहिताचे विचार रुजावेत हे या प्रकल्पाचे ध्येय आहे. 

सध्या ती काय करते? 'स्वदेश' फेम गायत्री जोशीची कहाणी, वाचा...

बालकांसाठी २१ जुलैपासून अंकुर प्रोजेक्ट राबविण्यात येत आहे. या प्रकल्पात बालकांना विविध भाज्यांची व झाडांची लागवड व उगवण करण्यात प्रोत्साहित करण्यात येत आहे. तसेच मशरूम लागवड व मशागत देखील निरीक्षणगृहातील एका खोलीमध्ये येथील मुले उत्तमरीत्या करीत आहेत. या उपक्रमात मुलांनी वाफे तयार करून त्यामध्ये पालक, मेथी, टोमॅटो, मिरची, आले या सारख्या भाज्यांची लागवड केली आहे.

वा रे पठ्ठे...शाळेलाच पाठवले ऑनलाइन क्लासेसचे बिल

विधिसंघर्षग्रस्त बालकांच्या मनात तेच विचार मनात घोळू नये म्हणून त्यांना कामात गुंतवण्याचा प्रयत्न करण्यात येत आहे. त्यांच्यात स्वयंशिस्त व काळजी या दोन गोष्टींची बिजे रुजावीत यासाठी त्यांना दैनंदिन जीवनात लागणारा भाजीपाला लागवडीसाठी प्रोत्साहित केले जात असून त्यात मुलांनी आवड दाखवली आहे.

नागपुरात बहरले सोनू सूदचे प्रेम; शंकरनगरातील ब्रेड पकोडा व कटिंग चहाचा होता दिवाना 

हा प्रकल्प बाल न्याय मंडळाचे प्रमुख न्यायदंडाधिकारी शर्वरी जोशी यांच्या मार्गदर्शनात सुरू आहे. या उपक्रमात बालकांचा सहभाग चांगला आहे. अंकुर प्रकल्पासाठी निरीक्षण गृहाच्या अधीक्षक नम्रता चौधरी मुलांना प्रोत्साहन देत आहेत. यापूर्वी एका प्रकरणात बाल न्याय मंडळाने सेवाकार्य तसेच बागकाम करण्याचे आदेश दिले होते. याशिवाय यापूर्वीही बाल न्याय मंडळाने विधिसंघर्षग्रस्त बालकांसाठी घेतलेले निर्णय मार्गदर्शक ठरले होते हे विशेष. 

मुलांचे समुपदेशन 
कोरोनाच्या काळातही बाल न्याय मंडळाचे काम अविरत सुरू असून दररोज प्रकरणांचा निपटारा केला जात आहे. विविध प्रकरणांत न्यायदंडाधिकारी शर्वरी जोशी व दामोदर जोगी समुपदेशनाद्वारे मुलांना शिक्षण, पुनर्वसन व त्यांच्या भावी आयुष्याबाबत समजावून सांगत आहेत.

(संपादन : प्रशांत राॅय)