पांढरकवडा येथील न्यायाधीशांनी ठोठावली शिक्षा
पांढरकवडा (यवतमाळ) : न्यायालयात साक्ष देताना तोंडात खर्रा असल्याने शपथ घेता आली नाही. परिणामी न्यायालयाच्या कामकाजात बाधा उत्पन्न झाली. त्यामुळे जिल्हा न्यायाधीश क्रमांक एक आर. एन. जोशी यांनी साक्षिदारास एक हजार रुपये दंड व दंड न भरल्यास एक महिन्याच्या साध्या कैदेची शिक्षा ठोठावली आहे. या निकालामुळे खर्रा खाऊन न्यायालयीन परिसरात अस्वच्छता करणार्‍यांना चांगलाच धडा मिळाला आहे.
वणी तालुक्यातील राजूर कॉलनी येथील राजनसिंग सूजरपाल कोठारे (वय 37) हे वेस्टर्न कोल्डफिल्ड लिमिटेड (डब्ल्यूसीएल) मध्ये नोकरीला आहेत. त्याची शुक्रवारी (ता. 22) एक वाजून 20 मिनिटांनी न्यायाधीश आर. एन. जोशी यांच्या न्यायालयात साक्ष होती. अ‍ॅड. एस. व्ही. सितारे हे त्यांची उलटतपासणी करीत होते. त्यावेळी शपथ घेत असताना राजनसिंग यांच्या तोंडात खर्रा असल्याने ते योग्य पद्धतीने शपथ घेऊ शकले नाही. त्यामुळे त्यांना दुसर्‍यांदा शपथ घेण्यास सांगितले. तेव्हा त्यांनी न्यायाधीशांना तोंडात खर्रा असल्याची कबुली दिली. यामुळे न्यायालयाच्या कामकाजात व्यत्यय आला आणि विलंब झाला. तसेच न्यायालयाची अवमानना झाली. त्यामुळे भादंवि 228 नुसार कारवाई का करण्यात येऊ नये, अशी नोटीस न्यायालयाने राजनसिंग यांना बजावली. त्यावर राजनसिंग यांनी कबुली दिल्याने त्यांना एक हजार रुपये दंड व दंड न भरल्यास एक महिन्यांची साधी कैद अशी शिक्षा जिल्हा न्यायाधीश आर. एन. जोशी यांनी ठोठावली.
'ई सकाळ'वरील इतर महत्त्वाच्या बातम्या :
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.