Child Kidnaping : मुलं पळवणाऱ्या टोळीपासून तुमच्या मुलांना जपायचंय? 'हे' वाचा | Sakal
sakal

बोलून बातमी शोधा

Child Kidnaping

Child Kidnaping : मुलं पळवणाऱ्या टोळीपासून तुमच्या मुलांना जपायचंय? 'हे' वाचा

Child Kidnapping Rumours : गेल्या काही दिवसांपासून मुंबई, ठाण्यासह नाशिक, पुणे, नागपूर, जळगाव, औरंगाबाद, अहमदनगर अशा विविध जिल्ह्यांमध्ये 'मुलांना पळवणारी टोळी' सक्रिय असल्याचे संदेश व्हॉट्सअपवर व्हायरल होत आहेत. या अफवा एका पाठोपाठ शहरांमध्ये पसरवल्या जात आहेत.

हेही वाचा: Child Pornography : देशातील 20 राज्यांमध्ये 'ऑपरेशन मेघदूत' अंतर्गत मोठी कारवाई

याविषयी पालकांमध्ये भितीचे वातावरण पसरले आहे. या सर्व अफवा असल्याचे पोलिसांनी सांगितलेले असले तरी अशा घटना पूर्वी घडलेल्या असल्याने पालक धास्तावले आहेत. यावर पोलिसांनी या अफवांवर विश्वास ठेवू नका असे आवाहन केले आहे. पण त्याबरोबरच पालकांनी मुलांशी संवाद साधत काही खबरदारी घेणे आवश्यक आहे.

हेही वाचा: Child Care Subsidy : ‘बालसंगोपन’चे अनुदान रोखले

याविषयी सकाळने पोलिसांशी संवाद साधला. त्यावेळी पालकांनी घ्यावयाच्या खबरदारीविषयी काही टिप्स पोलिस अधिकाऱ्यांनी दिल्या आहेत. त्यामुळे जर तुम्हालाही मुलं पळवणाऱ्या टोळीची धास्ती वाटत असेल आणि आपल्या मुलांना कसे जपावे हा प्रश्न पडत असेल तर या टिप्स नक्की वाचा.

हेही वाचा: Child Care: मुलांना थकवा जाणवतोय? आहारात करा या पदार्थांचा समावेश

या गोष्टी मुलांना समजावून सांगा

  • जसे या अफवांनी तुम्ही घाबरले आहात तसे याविषयी मुलांमध्ये भिती निर्माण होऊ नये म्हणून त्यांच्याशी योग्य संवाद साधा.

  • मुलांना परिस्थिती समजवून सांगा. त्यांना सांगा अनोळखी व्यक्तिशी बोलू नका.

  • अनोळखी व्यक्तीने चॉकलेट, खाऊ, अगदी मोबाईल किंवा व्हीडिओ गेम असे काहीही दिले तरी कोणाकडून घेऊ नका.

हेही वाचा: International Girl Child Day 2019 : जाणून घ्या या दिवसाविषयी!

  • दुसऱ्याची कोणतीही वस्तू तुमच्या हातात घेऊ नका.

  • जर कोणी तुम्हाला हात लावला किंवा धरले तर आरडा-ओरडा करा. आजूबाजूच्या लोकांना मदत मागा.

  • रस्त्याने चालताना पालकांचे हात सोडू नका. पुढे, मागे पळू नका.

हेही वाचा: Parenting Tips : पालकांच्या 'या' ६ सवयींनी संपते मुलांचे 'फ्यूचर'

पालकांनी घ्यायची काळजी

  • मुलांना परिस्थिती समजवताना त्यांच्यात भिती निर्माण होणार नाही याची काळजी घ्या.

  • गर्दीच्या ठिकाणी मुलांना नेऊ नका.

  • मुलांना गर्दीत न्यावेच लागले तर त्यांचा हात सोडू नका. त्यांचा स्पर्श आपल्याला होत राहील याची काळजी घ्यावी. पदर, शर्ट, हात काहीतरी धरून ठेवायला सांगायचे.

  • सतत सतर्क रहावे

हेही वाचा: Parenting Tips: मुलं वेळे आधीच वयात येतायत ? या Symptoms वरून पालकांनी व्हावे सावध

नागरिकांसाठी सुचना

  • नागरिकांनी सतत सतर्क असावे.

  • आपल्या आसपास काही गैर घडत नाही ना याकडे लक्ष असावे.

  • काही आक्षेपार्ह आढळले तर पुढाकार घेऊन अजून काही लोकांना सोबत घेऊन मुलांना प्रोटेक्ट करावे.

  • मुलाला आपल्या ताब्यात घेऊन १०० नंबरवर पोलिसांना कळवावे.

हेही वाचा: Parenting Tips: भारतीय पालकांनी टाळाव्या या १३ वाईट सवयी, मुलांचं आयुष्य होईल उद्ध्वस्त

पोलिसांचे आवाहन

  • कोणतीही माहिती तुम्ही पडताळणी केल्याशिवाय पुढे फॉर्वर्ड करू नका.

  • व्हीडिओ, ऑडिओ पाहून त्यावर लगेच विश्वास ठेवू नका.

  • जोपर्यंत पोलीस तुम्हाला सांगत नाहीत तोपर्यंत नागरिकांनी अशा कोणत्याही व्हायरल आणि फॉर्वर्ड गोष्टींवर विश्वास ठेवू नये.

हेही वाचा: Parenting Tips: मुलांची भूक वाढवण्याचे उपाय

  • तुमच्या मोबाईलवर सोशल मीडियावर मुलांच्या अपहरणासंदर्भात काहीही आलं आणि तुम्हाला संशयास्पद वाटलं तर तातडीने तुमच्या जवळच्या पोलीस स्टेशनला संपर्क साधा. पोलिसांना याविषयीची सर्व माहिती द्या.

  • पालक, शिक्षक आणि स्थानिक नागरिकांनी संशयास्पद हालचाली आढळल्यास किंवा कोणीही संशयास्पद आढळल्यास स्थानिक पोलीस किंवा १०० या क्रमांकावर पोलिसांना संपर्क साधा. पोलीस घटनास्थळी पोहचतील.