''ते खरं प्रेम नव्हतंच मुळी" शाहिदचं करिनाला घेऊन मोठं वक्तव्य

बॉलीवूडचा हॅन्डसम हन्क शाहिद कपूरच्या(Shahid Kapoor) प्रेमात अजूनही अनेक मुली पडत असतील. अर्थात एक काळ होता की बॉलीवूडच्या देखण्या अभिनेत्री देखील त्याच्या प्रेमात झुरायच्या. त्याचं सर्वात गाजलेलं प्रकरण म्हणजे करिना कपूरसोबतचं. त्यावेळी दोघं सगळयाच कार्यक्रमात अगदी हातात हात घालून एकत्र दिसायचे. 'कॉफी विथ करण'मध्ये तर करिनानं अगदी सर्वांसमोर पहिल्यांदाच शाहिदचं नाव घेऊन प्रेमाची कबुली दिली होती. तेव्हा ती खरंच त्याच्या प्रेमात होती असं स्पष्ट तिच्या चेहऱ्याकडे पाहून दिसत होतं. पण कदाचित त्या दोघांच्या नशीबात एकत्र राहणं नव्हतच लिहिलेलं. ते विभक्त झाले अनं काहीच दिवसांत शाहिदला प्रियंका चोप्रा भेटली अन् करिनाच्या आयुष्यात सैफ अली खान आला.

तेव्हा शाहिदच्या फ्लर्ट करण्याच्या स्वभावामुळेच करिनानं विभक्त होण्याचा निर्णय घेतला हे कारण समोर आलं होतं. पण खऱं काय ते शाहिद-करिनाला माहित. पण ज्यांना वाटत होतं की शाहिद-करिना यांच्यात खरं प्रेम होतं त्यांच्यासाठी मात्र शाहिदनं एका मुलाखतीत दिलेल्या उत्तरामुळे चक्रावण्याचीच पाळी येईल बहुधा. ही मुलाखत तशी जुनी आहे. सिमी गरेवालच्या शो मध्ये शाहिद गेला असताना त्याला तिनं प्रश्न विचारला,''तू खरं प्रेम केलं आहेस का?'' त्यावर तो म्हणाला,''मी मुलींना भेटलो की त्यांच्या प्रेमात पडायचो. पण ते खरं प्रेम नव्हत हे मात्र १०० टक्के. एक-दोन वेळा प्रेमात होतो पण आता वाटतंय ते ही खरं नव्हतंच मुळी.मला आतापर्यंत खरं प्रेम झालंच नाही. मी त्याच्या प्रतिक्षेत आहे. प्रेमात कुणी तरी एक साथी समजूतदार हवा. माझ्याबाबतीत असं आतापर्यंत झालं नाही'' आता हे सगळं करिनापासू विभक्त झाल्यावर शाहिद बोललाय बंर का.

ही मुलाखत २०११ मधील आहे. त्याआधी शाहिदच्या आयुष्यात करिना आणि मग प्रियंका अशा बॉलीवूडच्या दोन प्रसिद्ध अभिनेत्री येऊन गेल्या होत्या. २०१५ मध्ये शाहिदनं मीरा राजपूतशी घरच्यांच्या संमतीने अरेंज्ड मॅरेज केलं. आज त्याला मिशा आणि जेन ही दोन मुलं आहेत. तो आपल्या कुटुंबासोबत खूश आहे. उलट.काहीच दिवसांपूर्वी त्यानं एका मुलाखतीत म्हटलं होतं, ''मीरा माझ्यापेक्षा १३ वर्षांनी लहान आहे पण माझ्यापेक्षा जास्त समजूतदार आहे''. काही का असेना शाहिदला हवी होती तशी समजूतदार जोडीदार मिळाली म्हणायची.