अकोला : जिल्‍हा कौशल्‍य कार्यालयामार्फत पंडीत दीनदयाल उपाध्‍याय ऑनलाइन रोजगार मेळाव्‍याचे आयोजन शनिवार व रविवार (ता. २७ व २८ फेब्रुवारी) रोजी करण्यात आलं आहे.

मेळाव्‍यात चार नामवंत कंपनीव्दारे विविध पदाकरीता ऑनलाईन भरती प्रक्रीया राबविली जात आहे. वर्ल्ड वाईड आईल फिल्ड मशीन प्रा.लि. औरंगाबाद या कंपनीत ३० पदाकरीता (ट्रेनी) दहावी, बारावी व आयटीआयचा कोणताही ट्रेड अशी शैक्षणिक पात्रता असणाऱ्या व वयोमर्यादा १८ ते ३० दरम्यान असलेल्या उमेदवारासाठी,

तसेच टेक्नोक्राप्ट इंडीस्ट्रीज लि. अमरावती येथे महिलाकरीता आयटीआय ट्रेड फॅशन डिझाईनर, ट्रेलरिंग व कंटीगचे पाच पदे, वयोमर्यादा १८ ते ३० राहिल, तसेच डिप्लोमा इन फॅशन डिझाईनर, टेलरींग व कटींग शैक्षणिक पात्रता असलेल्या व वयोमर्यादा २१ ते ३० असलेल्या करीता पाच पदे,

हेल्पर ट्रेनिंग १० पदांकरीता किमान दहावी पास व वयोमर्यादा १८ ते ३० राहिल. जे.जे. फाईन्स स्पिंनिग प्रा.लि. बोरगाव मंजू, अकोला येथे आयटीआय फिटर ट्रेड या शैक्षणीक पात्रता असलेल्या व वयोमर्यादा २१ ते ३३ करीता दोन पदे,

तसेच आयटीआय इलेक्ट्रीयशन ट्रेडच्या दोन पदाकरीता वयोमर्यादा १८ ते ३३, तसेच लिबेन लाईफ सायन्स लि. येथे आयटीआय फिटर ट्रेडच्या चार पदाकरीता वयोमान २१ ते ३३, तसेच आयटीआय इलेक्ट्रीयशन ट्रेडच्या सहा पदाकरीता वयोमर्यादा १८ ते ३३ गटाकरीता ऑनलाईन मुलाखात व तत्सम प्रक्रियेव्दारे निवड प्रक्रिया राबविण्यात येणार आहे.