Jalgaon Crime News : विवाहीत असताना दुसऱ्या महिलेशी प्रेमसंबध असणाऱ्या पतीने पत्नीचा छळ करीत माहेरुन ४५ लाख रुपये आणावे, अशी मागणी केल्याप्रकरणी पतीसह पाच जणांविरुद्ध तालुका पोलिस ठाण्यात गुन्हा दाखल करण्यात आला. (Harassment of married woman for 45 lakhs Jalgaon Crime News )

भोकर (ता. जळगाव) येथील माहेरवाशीण अश्‍विनी किरण पाटील (वय २२) यांचा किरण उज्जैन पाटील यांच्याशी विवाह झाला. किरण पाटील यांचे दुसऱ्या महिलेशी विवाहबाह्य संबंध असल्याने अश्‍विनी यांना मारहाणही करण्यात येत होती.

हेही वाचा : Credit Card फसवणूक....काय घ्याल काळजी?

तसेच, माहेरून ४५ लाख रूपये आणण्याची मागणीही केली जात असल्याचे तक्रारीत म्हटले आहे. त्यानुसार पतीसह सासरे उज्जैन लोटन पाटील, सासू कुसुम पाटील, नणंद व पतीची मैत्रिण यांच्याविरुद्ध तालुका पोलिस ठाण्यात गुन्हा दाखल झाला आहे. पोलिस नाईक किरण अगोणे तपास करीत आहेत.