Benefits Of Exercise : सुदृढ शरीरासाठी व्यायाम आवश्यक असतो. लहान मुलांपासून सत्तरी गाठलेले वयोवृद्धही व्यायाम करू शकतात. मात्र, वयाला आणि तब्येतीला मानवेल, एवढाच व्यायाम करावा. व्यायामाला वयाची अट नाही. लहान मुलांपासून सत्तरी गाठलेले वयोवृद्धही व्यायाम करू शकतात.

आजारी असताना, ताप असताना, गर्भारपणामध्ये किंवा मोठे ऑपरेशन झाले असल्यास व्यायाम न करण्याचा सल्ला दिला जातो. अन्यथा, व्यायाम कधीही करायला हरकत नाही. व्यायाम करणे आपल्या शरीरासाठी खूप महत्वाचे आहे. हे केवळ निरोगी ठेवत नाहीतर इतर अनेक फायदे देखील आहेत. व्यायामाचा संबंध केवळ शारीरिक तंदुरुस्तीशीच असतो. परंतु त्याचा आपल्या शरीराला इतर अनेक मार्गांनी फायदा होतो.

व्यायाम हा सहसा फक्त शारीरिक तंदुरुस्तीशी संबंधित असतो, परंतु त्याचे इतर अनेक फायदे आहेत. व्यायामामुळे आपली पचनशक्तीही सुधारते आणि त्यामुळे एकाग्रताही वाढते. जेव्हा तुम्ही व्यायाम करत नाही, शारीरिकदृष्ट्या सक्रिय राहत नाही, तेव्हा त्याचा परिणाम तुमच्या शरीरावर दिसू लागतो.

जर तुम्हाला झोप न येण त्रास होत असेल, लक्ष केंद्रित करता येत नसेल तर याचा अर्थ तुमचे शरीर तुम्हाला योग्य व्यायाम करण्यास सांगत आहे. जर तुम्ही योग्य प्रकारे व्यायाम केलात, तर ते तुमच्या शरीराला, हृदयाला आणि मनाला असे अनेक फायदे देतात, ज्याची तुम्हाला माहिती नसते. आयुर्वेदातही याचा उल्लेख आहे. आयुर्वेदिक डॉक्टर नितिका गोयलने तिच्या इन्स्टाग्राम अकाऊंटवरून याबाबत माहिती दिली आहे.

व्यायामाविषयी तुम्हाला माहीत असाव्यात अशा गोष्टी

व्यायामामुळे आपण केवळ शारीरिकदृष्ट्या तंदुरुस्त राहतो असे नाही तर त्याचा आपल्या मनावरही चांगला परिणाम होतो. जर तुम्हाला दडपण जाणवत असेल, काही तणावातून जात असेल, तर शारीरिक हालचाली केल्याने किंवा चालण्याने तुम्हाला हलके वाटेल.

कार्यक्षमता वाढते 

जर तुम्ही योग्य व्यायामाचे पालन केले तर त्यामुळे तुमची कार्यक्षमता वाढते. पण यासाठी योग्य व्यायाम दिनचर्या पाळणे आवश्यक आहे अन्यथा तुम्हाला थकवा येऊ शकतो. तुम्हाला लवकर थकवा आणि अशक्तपणा जाणवू लागला तर तुम्ही व्यायाम केलाच पाहिजे. व्यायामामुळे तुमची उर्जा वाढते.

रक्तप्रवाह सुरळीत राहतो

व्यायाम करणार्‍यांच्या शरीरात रक्तप्रवाह वेगाने वाहत असतो आणि त्याचे प्रत्यक्ष आणि अप्रत्यक्ष परिणाम शरीरावर होतातच पण ते त्वचा, केस, आणि नखांवर प्रतिबिंबित होत असतात. नियमित व्यायाम करणार्‍यांचे केस भराभर वाढतात व त्याच्यावर उत्तम चकाकी असते. अशा व्यक्तींची त्वचा नितळ असते आणि नखांची वाढसुध्दा निरोगीपणे होत असते.

पचनक्रीया सुधारते

जर तुम्हाला पचनाशी संबंधित समस्या असतील तर त्यासाठीही व्यायाम करणे चांगले मानले जाते. अनेक योगासने आणि व्यायाम पचन सुधारण्यासाठी प्रभावी आहेत. तुम्ही दररोज काही मिनिटे व्यायाम करण्यासाठी वेळ काढला पाहिजे.

निद्रानाश दूर होतो 

निद्रानाशाच्या समस्येने त्रस्त असलेल्या लोकांसाठी व्यायाम हा एक चांगला पर्याय आहे. यामुळे चांगली झोप येते. अनेकांना लक्ष केंद्रित करण्यात त्रास होतो. लाख प्रयत्न करूनही त्यांचे लक्ष बरोबर नाही. अशावेळी व्यायाम करणे फायदेशीर ठरू शकते.

वात पित्त आणि कफ

वात, पित्त आणि कफ हे तीन दोष आपल्या शरीरात आढळतात. आयुर्वेदात कोणत्याही आजारावर या दोषांच्या आधारे उपचार केले जातात. आयुर्वेदानुसार माणसाच्या शरीरात दोन दोषांचे प्रमाण जास्त असते. योग्य व्यायामाच्या या तीन दोषांमध्येही समतोल साधता येतो.

विचारात सकात्मकता येते

व्यायाम करणार्‍यांची विचार करण्याची पध्दत सकारात्मक असते त्यामुळे त्यांची उत्पादकताही चांगली असते. कमी उर्जेमध्ये आणि कमी वेळेमध्ये उत्तम काम करण्याची क्षमता त्यांच्यात विकसित झालेली असते. कोणत्याही गोष्टीचा आळस येत नसल्यामुळे कोणतेही काम करायला ते सदैव तत्पर असतात.

शरीर आकर्षक बनतं

व्यायाम करणाऱ्यांचे शरीर सुडौल असते. उंची, जाडी, वजन यांचा योग्य समतोल त्यांच्या शरीरात साधलेला असतो. त्यामुळे त्यांचे दिसणे हेही मोठे चैतन्यदायी असते. त्याचबरोबर त्यांच्या हालचाली डौलदार आणि सहज असतात. बेंगरुळपणाचा (आळशीपणाचा) त्यात अभाव असतो.