सध्या सोशल मीडियावर अनेक व्हिडीओ व्हायरल होत असतात. काही मजेशीर असतात तर काही अंचबित करणारे. काही मन हेलावून टाकणारे तर काही अंगावर काटा आणणारे. सध्या असाच एक अजब गजब व्हिडिओ सोशल मीडियावर व्हायरल होत आहे. या व्हिडिओत पत्नीला पत्नीला पुन्हा सासरी बोलवण्यासाठी या दारूड्या नवऱ्याने जे काही केले, त्याचाच हा व्हिडीओ आहे. (jalna drunk man climbed on mobile tower as his wife should return home video goes viral )

व्हिडीओत दिसते की हा दारुडा नवरा पत्नीला घरी नांदायला बोलवण्यासाठी चक्क मोबाईलच्या टॉवर चढलाय. हा व्हिडिओ जालनातील असून सध्या सोशल मीडियावर प्रचंड व्हायरल होतोय.

बदनापूर तालुक्यातील दाभाडी येथे हा प्रकार असून घटनेची माहिती मिळताच पोलिसांनी घटनास्थळी धाव घेतली आणि त्या दारूड्याला खाली उतरण्यासाठी अनेक प्रयत्न केले. अखेर शेवटी अग्निशमन दलाच्या मदतीने त्याला खाली उतरविण्यात यश आलं.

या व्हिडीओत या दारूड्याला खाली उतरवण्यासाठी अनेकांनी प्रयत्न केले. तेथिल स्थानिकांनी तर त्याला खाली आला की आमदार करतो असे सुद्धा बोलून दाखवले. घटनेचा हा व्हिडीओ सोशल मीडियावर प्रचंड व्हायरल होत असून नेटकरी यावर अनेक मजेशीर प्रतिक्रिया देत आहेत.