सिरसाळा (बीड) : परळी तालुक्यात शेतात जाणाऱ्या एका अल्पवयीन मुलीचे फोटो काढून त्याचे अश्लिल व्हिडीओ बनविणाऱ्या एका टिकटॉकवीराला पोलिसांनी अटक केली आहे. त्याच्यावर गुन्हाही दाखल करण्यात आला आहे.
परिसरातील गोवर्धन हिवरा (ता. परळी) येथे शुक्रवारी (ता. एक) हा प्रकार घडला आहे. गावातल्या एका टिकटॉकवीराने शेतात जाणाऱ्या एका अल्पवयीन मुलीचे फोटो काढून टिकटॉकवर अश्लील व्हिडिओ बनवला. त्या व्हिडिओला त्याने ‘मैं हूं आशिक आवारा’ आणि ‘केसामध्ये गजरा’ अशी गाणीही जोडली आणि हा व्हिडीओ बनवून अपलोड केला.
व्हिडिओ अपलोड होताच, हा प्रकार लक्षात आल्यावर या तरुणीने पोलिसांत धाव घेत तरुणाविरोधात फिर्याद नोंदवली आहे. या प्रकरणी सिरसाळा पोलिस ठाण्यात गुन्हा नोंद करण्यात आला आहे.
माकडाच्या हाती कोलीत दिल्यासारखा नव्या तंत्रज्ञानाचा गैरवापर अनेकांकडून होत असतो. त्यात असे प्रकार घडण्याचे प्रमाण वाढतच चालले आहे. टिकटॉक या माध्यमाचा वापर करताना तरुण अनेकदा स्वैर वर्तन करत असल्याचे या आधीही विविध घटनांमधून समोर आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.